સાઉદી અરબમાં અભિનેતા સલમાન ખાનને પર્સનાલિટી ઓફ ઘ યરનો અવોર્ડ એનાયત

• સલમાન ખાન બન્યા પર્સનાલિટી ઓફ ઘ યર
• સાઉદી અરબ તરફથી અપાયો આ એવોર્ડ

મુંબઈઃ- બોલિવૂડના જાણીતા સુપર સ્ટાર સલમાન ખાનના ચાહકો વિશ્વભરમાં છે, સલમાન ખાન પોતાની પર્સનાલિટીને લઈને ખૂબ જાણીતા છે, ત્યારે સલમાન ખાન બે દાયકાથી વધુ સમયથી લોકોનું મનોરંજન કરી રહેલા અભિનેતા પણ છે.

સલમાનની ફિલ્મોને આજે પણ અદભૂત ક્રેઝ બોલિવૂડમાં જોવા મળે છે. 56 વર્ષીય સલમાન સોશિયલ મીડિયા દ્વારા તેના ચાહકોને તેની દિનચર્યા અને આવનારી ફિલ્મો વિશે માહિતગાર કરે છે. તેણે હાલમાં જ સાઉદી અરેબિયાની રાજધાની રિયાધમાં આયોજિત જોય એવોર્ડ્સમાં સમ્માનિત થયેલી તેમનો  એક ફોટો ઈન્સ્ટાગ્રામ પર પોસ્ટ કર્યો હતો.

સલમાન ખાને વિતેલા દિવસને  રવિવારે એવોર્ડ ફંક્શનનો એક ફોટો શેર કર્યો હતો. તેમને પર્સનાલિટી ઓફ ધ યરનો એવોર્ડ આપવામાં આવ્યો હતો. ઈવેન્ટમાં સલમાન ખાને બ્લેક સૂટ પહેર્યો છે. આ ફોટો શેર કરતાની  સાથે તેણે કેપ્શનમાં લખ્યું, ‘મારા ભાઈ બુ નાસર… તમને મળીને આનંદ થયો.’