- અભિનેતા સૌરભ રાજ જૈનનો આજે જન્મદિવસ
- મહાભારતમાં કૃષ્ણનું પાત્ર ભજવીને મળી ઓળખ
- ઘણી સુપરહિટ સિરિયલોમાં પણ કર્યું છે કામ
મુંબઈ:અભિનેતા સૌરભ રાજ જૈનનો આજે જન્મદિવસ છે. તેમણે મહાભારતમાં કૃષ્ણની ભૂમિકા ભજવીને દર્શકોના હૃદયમાં ઊંડી છાપ છોડી દીધી હતી. અભિનેતાએ ‘દેવો કે દેવ મહાદેવ’ અને ‘મહાકાલી’ જેવા લોકપ્રિય શોમાં કામ કર્યું છે.
વર્ષ 2004માં સૌરભે શો ‘રીમિક્સ’થી શરૂઆત કરી હતી. આ પછી તેણે ઘણી સુપરહિટ સિરિયલોમાં કામ કર્યું પરંતુ તેને ઓળખ ‘મહાભારત’માં કૃષ્ણના પાત્રથી મળી. આ પાત્રે તેમને દરેક ઘરમાં લોકપ્રિય બનાવ્યા હતા.
તેણે હોલિવૂડ ફિલ્મ ‘કર્મા’માં પણ કામ કર્યું છે. આ સિવાય તે ‘નચ બલિયે 9’ અને ‘ફિયર ફેક્ટરઃ ખતરોં કે ખિલાડી 11’ જેવા રિયાલિટી શોનો પણ ભાગ રહી ચુક્યા છે.
સૌરભે 2010માં રિદ્ધમા જૈનન સાથે લગ્ન કર્યા હતા.બંને સોશિયલ મીડિયા પર ખૂબ એક્ટિવ છે. સૌરભ ઘણીવાર તેની પત્ની સાથે રીલ્સ બનાવીને ચાહકોનું મનોરંજન કરે છે.
અભિનેતા સોશિયલ મીડિયા પર ખૂબ જ એક્ટિવ રહે છે. તે અવારનવાર તેના પરિવાર સાથે ફોટા શેર કરે છે.
