અભિનેત્રી નેહા ધૂપિયાનો આજે જન્મદિવસ, બોલિવૂડની ઘણી ફિલ્મોમાં કર્યું છે કામ
- અભિનેત્રી નેહા ધૂપિયાનો આજે જન્મદિવસ
- બોલિવૂડની ઘણી ફિલ્મોમાં કર્યું છે કામ
- ‘કયામત: સિટી અંડર થ્રેટ’થી કરી કરિયરની શરૂઆત
મુંબઈ:બોલિવૂડની સુંદર એક્ટ્રેસ નેહા ધૂપિયા આજે પોતાનો જન્મદિવસ ઉજવી રહી છે. નેહાનો જન્મ 1980 માં કેરળના કોચીમાં થયો હતો. તે પંજાબી શીખ પરિવારમાંથી આવે છે. નેહાએ પોતાની ફિલ્મી કારકિર્દીમાં ઘણી મોટી ભૂમિકાઓ કરી છે. જેના વિશે તે ઘણી ચર્ચામાં પણ રહી છે. અભિનેત્રી તેના બેબાક અંદાજ માટે પણ ખૂબ પ્રખ્યાત છે.
અભિનેત્રીએ ફેમિના મિસ ઇન્ડિયા અને મિસ ઇન્ડિયા યુનિવર્સનો ખિતાબ પણ જીત્યો છે.ફેમિના મિસ ઇન્ડિયા અને ફેમિના મિસ ઇન્ડિયા યુનિવર્સનો ખિતાબ જીત્યા બાદ નેહાએ મિસ યુનિવર્સ સ્પર્ધામાં ભાગ લીધો હતો. નેહાને ભારતનું પ્રતિનિધિત્વ કરવા માટે પ્યુર્ટો રિકો મોકલવામાં આવી હતી. જોકે, તે આ સ્પર્ધા જીતી શકી ન હતી, પરંતુ તે ટોપ 10 માં સ્થાન મેળવવામાં સફળ રહી હતી.
નેહાએ પોતાના બોલિવૂડ કરિયરની શરૂઆત વર્ષ 2003 માં ફિલ્મ ‘કયામત: સિટી અંડર થ્રેટ’થી કરી હતી. હેરી બાજવા નિર્દેશિત આ ફિલ્મમાં નેહાએ અજય દેવગણની ગર્લફ્રેન્ડનો રોલ કર્યો હતો. જોકે, આ ફિલ્મ બોક્સ ઓફિસ પર વધારે કમાણી કરી શકી ન હતી. નેહાને તેની સાચી ઓળખ 2004 માં આવેલી ફિલ્મ ‘જુલી’થી મળી હતી. દિપક શિવદાસાની નિર્દેશિત આ ફિલ્મમાં નેહાનો બોલ્ડ અવતાર ખૂબ જ પસંદ કરવામાં આવ્યો હતો.
નેહાએ ઘણી બોલિવૂડ ફિલ્મોમાં કામ કર્યું છે. તેમાં ‘કયામત: સિટી અંડર થ્રેટ’, ‘જુલી’, ‘શીશા’, ‘ક્યા કૂલ હૈં હમ’, ‘ગરમ મસાલા’, ‘ચુપ-ચુપ કે’, ‘શૂટ આઉટ એટ લોખંડવાલા’, ‘દસ કહાનિયાં’, ‘ સિંહ ઈઝ કિંગ,દે દનાદન,એકશન રિપ્લે અને રશ વગેરે સામેલ છે. આ સિવાય તે મલયાલમ, તેલુગુ, જાપાનીઝ, ઉર્દૂ અને પંજાબી ભાષાઓમાં કેટલીક ફિલ્મોમાં પણ જોવા મળી છે.
