અભિનેત્રી સુપ્રિયા પાઠકનો આજે જન્મદિવસ,જાણો તેમના જન્મદિવસ પર તેના વિશે જાણી-અજાણી કેટલીક વાતો
મુંબઈ:બોલિવૂડમાં એવી ઘણી અભિનેત્રીઓ છે જેમણે પોતાના કરિયરની શરૂઆત નાના પડદાથી કરી હતી, પરંતુ થોડા સમય પછી તેઓ મોટા પડદા પર પણ પોતાનું નસીબ અજમાવવા ગઈ હતી.આ અભિનેત્રીઓને મોટા પડદા પર એટલી પ્રસિદ્ધિ મળી કે તેઓ દર્શકોમાં લોકપ્રિય થઈ ગઈ.આવો આજે અમે તમને એક એવી અભિનેત્રી વિશે જણાવી રહ્યા છીએ જેણે માત્ર નાના પડદા પર જ લોકપ્રિયતા નથી મેળવી પરંતુ મોટા પડદા પર પણ પોતાનો જાદુ ચલાવ્યો.તમને સુપ્રિયા પાઠક વિશે જણાવીએ, જે નાના પડદા અને સિલ્વર સ્ક્રીનની જાણીતી અભિનેત્રી છે.તેને અભિનય વારસામાં મળ્યો હતો.સુપ્રિયાની માતા દીના પાઠક પણ જાણીતી અભિનેત્રી હતી.
સુપ્રિયા પાઠકનો આખો પરિવાર ફિલ્મી દુનિયા સાથે સંબંધ ધરાવે છે.સુપ્રિયાની મોટી બહેન રત્ના પાઠક પણ અભિનયની દુનિયામાં જાણીતું નામ છે, તેણે નસીરુદ્દીન શાહ સાથે લગ્ન કર્યા હતા.સુપ્રિયાના કરિયરની શરૂઆત 1981માં આવેલી ફિલ્મ ‘કલયુગ’થી થઈ હતી.આ ફિલ્મમાં ઉત્કૃષ્ટ અભિનયને જોતા,તેણીને ફિલ્મફેર શ્રેષ્ઠ સહાયક અભિનેત્રીનો એવોર્ડ પણ મળ્યો.આ ફિલ્મ પછી સુપ્રિયાએ ‘વિજેતા’, ‘મિર્ચ મસાલા’, ‘રાખ’ અને ‘શહેનશાહ’ જેવી ફિલ્મોમાં કામ કર્યું, પરંતુ આ ફિલ્મોમાં તેને માત્ર સાઈડ રોલ જ મળતા હતા,કંટાળીને સુપ્રિયાએ ફિલ્મો છોડી દીધી અને ટીવી પર કામ કરવાનું શરૂ કર્યું.
સુપ્રિયાના આ નિર્ણયે તેને ઘણી લોકપ્રિયતા આપી.તેની ‘ખિચડી’ સિરિયલમાં હંસાના પાત્રને એટલું પસંદ કરવામાં આવ્યું કે,તે ઘર-ઘરમાં જાણીતી બની ગઈ.તેમની કોમિક ટાઈમિંગ અને વક્તૃત્વે લોકોના દિલ જીતી લીધા.આજે પણ સુપ્રિયા તેના નામ કરતાં હંસાનાં નામથી વધુ ચર્ચામાં રહે છે.આ પછી સુપ્રિયાએ ‘બા બહુ ઔર બેબી’, ‘એક મહેલ સપનો કા’ જેવા શોમાં પણ કામ કર્યું હતું, જે દર્શકોમાં ખૂબ જ લોકપ્રિય હતું.
સુપ્રિયાએ લાંબા સમય સુધી નાના પડદા પર કામ કર્યું, પરંતુ તે ફિલ્મોને ભૂલી ન હતી. સુપ્રિયાએ 11 વર્ષ બાદ ફિલ્મ ‘સરકાર’થી કમબેક કર્યું હતું.થિયેટર આર્ટિસ્ટ હોવાને કારણે, સુપ્રિયા તમામ પ્રકારના પાત્રોમાં સંપૂર્ણપણે ડૂબી જાય છે.રણવીર સિંહ અને દીપિકા પાદુકોણ અભિનીત સંજય લીલા ભણસાલીની ‘ગોલિયોં કી રાસ લીલા રામલીલા’માં પણ તેને ખૂબ પસંદ કરવામાં આવી હતી.આ ફિલ્મ માટે સુપ્રિયાને શ્રેષ્ઠ સહાયક અભિનેત્રીનો ફિલ્મફેર એવોર્ડ મળ્યો હતો.
