અદાણી ગ્રુપના ચેરમેન ગૌતમ અદાણીએ પરિવાર સાથે કર્યું મતદાન
અમદાવાદઃ ગુજરાતની લોકસભાની 25 બેઠકો ઉપર આજે સવારથી મતદાન ચાલી રહ્યું છે. વડાપ્રધાન નરેન્દ્ર મોદી અને ગૃહમંત્રી અમિત શાહ સહિતના મહાનુભાવોએ પોતાના મતાધિકારનો ઉપયોગ કર્યો હતો. અમદાવાદમાં દેશના જાણીતા ઉદ્યોગપતિ ગૌતમ અદાણીએ પરિવાર સાથે મતદાન કર્યું હતું. તેમજ પ્રજાને મતદાન કરવા માટે અપીલ કરી હતી. તેમણે કહ્યું હતું કે, ભારત આગળ વધી રહ્યું છે અને સતત આગળ વધતું જ રહેશે.
Proud to have voted with my family today. Voting is a right, a privilege and a responsibility we all share as citizens of this great nation. Every vote is a powerful voice in our democracy. Cast your vote for shaping the future of India. Jai Hind. pic.twitter.com/nMAfAhQEdD
— Gautam Adani (@gautam_adani) May 7, 2024
દેશના જાણીતા ઉદ્યોગપતિ ગૌત્તમ અદાણી સવારે મતદાન કરવા માટે મતદાન કેન્દ્ર ઉપર પહોંચ્યાં હતા. જ્યાં તેઓ અન્ય મતદારો સાથે લાઈનમાં ઉભા રહ્યાં હતા. મતદાન કર્યાં બાદ પત્રકારો સમક્ષ ગૌત્તમ અદાણીએ જણાવ્યું હતું કે, આજે લોકતંત્રનો તહેવાર છે અને હું લોકોને અપીલ કરું છું કે તેઓ બહાર નીકળીને મતદાન કરે. ભારત સતત આગળ વધી રહ્યું છે અને આ સિલસિલો યથાવત રહેશે.
અદાણી ગ્રુપના ચેરમેન ગૌત્તમ અદાણીએ ટ્વીટ કરીને જણાવ્યું હતું કે, આજે પરિવાર સાથે મતદાન કરવાનો ગર્વ છે. મતદાન એક અધિકાર, એક વિશેષાધિકાર અને એક જવાબદારી છે. જેના આ મહાન રાષ્ટ્રના નાગરિક તરીકે નીભાવીએ છીએ. આપણા લોકતંત્રમાં દરેક વોટ એક શક્તિશાળી અવાજ છે. ભારતના ભવિષ્યને આકાર આપવા માટે દરેકે મતદાન કરવું જોઈએ. જયહિંદ….
