દિલ્હી: અફઘાનિસ્તાને રવિવાર 1 ઓક્ટોબરથી ભારતમાં તેના દૂતાવાસને સંપૂર્ણ રીતે બંધ કરવાની જાહેરાત કરી છે. દૂતાવાસે કહ્યું છે કે યજમાન સરકાર તરફથી સમર્થનના અભાવ અને અફઘાનિસ્તાનના હિતોની સેવા કરવામાં નિષ્ફળતાને કારણે આ નિર્ણય લેવામાં આવ્યો છે. દૂતાવાસે કહ્યું, “દૂતાવાસને યજમાન સરકાર તરફથી સમર્થન નથી મળી રહ્યું, જેના કારણે અમારી કામગીરીમાં અવરોધ ઊભો થયો છે.
નિવેદનમાં વધુમાં કહેવામાં આવ્યું છે કે, “ખૂબ જ દુખ, ખેદ અને નિરાશા સાથે કહેવું પડે છે કે, નવી દિલ્હીમાં અફઘાનિસ્તાનના દૂતાવાસે તેનું કામકાજ બંધ કરવાના આ નિર્ણયની જાહેરાત કરી છે. આ નિર્ણય અત્યંત ખેદજનક હોવા છતાં અફઘાનિસ્તાન અને ભારત વચ્ચેના ઐતિહાસિક સંબંધો અને લાંબા ગાળાની ભાગીદારીને ધ્યાનમાં રાખીને સાવચેતીપૂર્વક વિચાર-વિમર્શ કર્યા પછી લેવામાં આવ્યો છે.
દૂતાવાસ દ્વારા જારી કરાયેલા એક નિવેદનમાં કહેવામાં આવ્યું છે કે, “ભારતમાં રાજદ્વારી સમર્થનની અછત અને કાબુલમાં કાયદેસર સરકારની ગેરહાજરીને કારણે અફઘાનિસ્તાન અને તેના નાગરિકોના શ્રેષ્ઠ હિતોની સેવા કરવા માટે જરૂરી અપેક્ષાઓ અને જરૂરિયાતોને પહોંચી વળવામાં અમે અમારી ખામીઓને સ્વીકારીએ છીએ.” સહકારના અન્ય નિર્ણાયક ક્ષેત્રોમાં રાજદ્વારીઓ માટે વિઝા નવીકરણથી સમયસર અને પર્યાપ્ત સમર્થનના અભાવે અમારી ટીમમાં નિરાશા જન્માવી છે અને નિયમિત ફરજો અસરકારક રીતે નિભાવવાની અમારી ક્ષમતાને અવરોધે છે.”
દૂતાવાસના ત્રણ અધિકારીઓએ જણાવ્યું હતું કે, અફઘાન દૂતાવાસના રાજદૂત અને અન્ય વરિષ્ઠ રાજદ્વારીઓ ભારત છોડીને યુરોપ ગયા અને યુનાઇટેડ સ્ટેટ્સમાં શરણ લીધા પછી આ ઘટના બની. અહીં કર્મચારીઓની અછત હતી. દૂતાવાસના અધિકારીઓએ જણાવ્યું કે ઓછામાં ઓછા પાંચ અફઘાન રાજદ્વારીઓ ભારત છોડી ગયા છે. તે જ સમયે, અફઘાન દૂતાવાસે પરિસરમાં અફઘાનિસ્તાનનો ધ્વજ રાખવાની માંગ કરી છે.