અમદાવાદઃ ગુજરાતમાં છેલ્લા કેટલાક સમયથી દિવાલ ધરાશાયી થવા સહિતની દૂર્ઘટનામાં વધારો થયો છે. દરમિયાન અમદાવાદ પંથકમાં આવેલા બાવળામાં એક મીલનો શેડ તૂટી પડતા નાસભાગ મચી ગઈ હતી. આ દૂર્ઘટનામાં 3 શ્રમજીવીઓના મોત થયાનું જાણવા મળે છે.
પ્રાથમિક માહિતી અનુસાર અમદાવાદ નજીક આવેલા બાવળામાં આવેલી ચોખાની એક મીલમાં શ્રમજીવીઓ કામ કરી રહ્યાં હતા. દરમિયાન અચાનક શેડ તૂટી પડ્યો હતો. આ બનાવની જાણ થતા જ નાસભાગ મચી ગઈ હતી. આ બનાવની જાણ થતા ફાયરબ્રિગેડ સહિતની ટીમ તાત્કાલિક સ્થળ પર દોડી ગયા હતા. તેમજ સ્થાનિકો પણ સ્થળ પર દોડી ગયા હતા અને બચાવ કામગીરી હાથ ધરી હતી. આ બનાવમાં 3 શ્રમજીવીઓના મોત થયા હોવાનું જાણવા મળે છે.
(PHOTO-FILE)