અક્ષય કુમાર અને માનુષી છિલ્લર ફિલ્મ સમ્રાટ પૃથ્વીરાજના પ્રમોશન માટે વારાણસી પહોંચ્યા,ગંગા ઘાટ પર કરી પૂજા
- વારાણસી પહોંચ્યો અક્ષય કુમાર
- ‘પૃથ્વીરાજ’ના પ્રમોશન માટે પહોંચ્યો વારાણસી
- ગંગા ઘાટ પર કરી પૂજા
વારાણસી:અક્ષય કુમારની મોસ્ટ અવેટેડ ફિલ્મ પૃથ્વીરાજ ટૂંક સમયમાં જ સિનેમાઘરોમાં દસ્તક આપશે. આ કારણે અક્ષય તેની આગામી ફિલ્મનું જોરશોરથી પ્રમોશન કરી રહ્યો છે. આ એપિસોડમાં અભિનેતા સોમવારે વારાણસી પહોંચ્યો હતો.આ દરમિયાન તેમની સાથે ફિલ્મની અભિનેત્રી માનુષી છિલ્લર પણ હાજર રહી હતી.અહીં પહોંચ્યા બાદ તેમણે સમ્રાટ પૃથ્વીરાજના ધ્વજ સાથે ગંગાની પૂજા કરી હતી.
ટીમ સમ્રાટ પૃથ્વીરાજ ચૌહાણના ધ્વજને પરાક્રમી રાજાની બહાદુરીને શ્રદ્ધાંજલિ તરીકે મોટા શહેરોમાં લઈ જઈ રહી છે. આ ફિલ્મમાં અક્ષય કુમાર મહાન સમ્રાટ પૃથ્વીરાજ ચૌહાણનું પાત્ર ભજવી રહ્યો છે. આ મોટા બજેટની ફિલ્મ યશ રાજ ફિલ્મ્સના બેનર હેઠળ બનાવવામાં આવી છે. આ ફિલ્મનું નિર્દેશન ડૉ.ચંદ્રપ્રકાશ દ્વિવેદીએ કર્યું છે. માનુષી છિલ્લર આ ફિલ્મથી બોલિવૂડમાં ડેબ્યૂ કરવા જઈ રહી છે. આ ફિલ્મમાં તે રાજકુમારી સંયોગિતાનો રોલ કરતી જોવા મળશે.
નોંધનીય છે કે,લોકો લાંબા સમયથી આ ફિલ્મની રાહ જોઈ રહ્યા છે. તેના તાજેતરમાં રિલીઝ થયેલા ટ્રેલરને લોકોએ ખૂબ પસંદ કર્યો હતો.બચ્ચન પાંડેના ફ્લોપ બાદ અક્ષયને આ ફિલ્મ પાસેથી ઘણી આશાઓ છે.સમ્રાટ પૃથ્વીરાજ આ શુક્રવારે હિન્દી, તમિલ અને તેલુગુમાં રિલીઝ થવાની તૈયારીમાં છે.
