અમિત શાહે આતંકવાદ અને કટ્ટરપંથીનો સામનો કરવા જેવા મુદ્દાઓની સમીક્ષા કરી

• અમિત શાહે ‘ચિંતન શિવિર’ ની અધ્યક્ષતા કરી 
• વિદેશીઓ સાથે સંબંધિત વિવિધ મુદ્દાઓની સમીક્ષા કરી

દિલ્હી :  કેન્દ્રીય ગૃહ પ્રધાન અમિત શાહે શુક્રવારે અહીં ગૃહ મંત્રાલયના વરિષ્ઠ અધિકારીઓના બીજા ‘ચિંતન શિવિર’ ની અધ્યક્ષતામાં આતંકવાદ, કટ્ટરપંથીનો સામનો કરવા સહિતના વિવિધ મુદ્દાઓની સમીક્ષા કરી હતી. ‘ચિંતન શિવિર’ને સંબોધતા શાહે કહ્યું કે ગૃહ મંત્રાલયે ‘વિઝન 2047’ના લક્ષ્યોને પ્રાપ્ત કરવા માટે ‘રોડમેપ’ તૈયાર કરવો જોઈએ અને તેનું પાલન કરવું જોઈએ.

તેમણે કહ્યું કે 25 વર્ષનો ‘રોડમેપ’ ભારતને વિશ્વમાં નંબર વન બનાવવામાં ચોક્કસપણે સફળ થશે. એક સત્તાવાર નિવેદનમાં જણાવાયું છે કે ગૃહમંત્રીએ આતંકવાદ, કટ્ટરપંથી, આંતરિક સુરક્ષા, સાયબર અને માહિતી સુરક્ષા, નાર્કોટિક્સ, ડિઝાસ્ટર મેનેજમેન્ટ અને વિદેશીઓ સાથે સંબંધિત વિવિધ મુદ્દાઓ પર ચર્ચા કરી હતી.

ગૃહમંત્રીએ કહ્યું કે વડાપ્રધાન નરેન્દ્ર મોદીના નેતૃત્વમાં વિશ્વમાં ભારતની વિશ્વસનિયતા વધી રહી છે અને તેને વિશ્વમાં દરેક ક્ષેત્રમાં ટોચના બનતા કોઈ રોકી શકશે નહીં. “આપણે ભવિષ્યના પડકારોની અપેક્ષા રાખવા અને ઉકેલો અગાઉથી શોધવાના તમામ પ્રયાસો કરવા જોઈએ.”