શું તમે બદલાતી સિઝનમાં શરદી, ખાંસી અને સાંધાના દુખાવાથી પરેશાન છો?
ઠંડા અને બદલાતા હવામાનમાં તમારા આહારમાં સફેદ તલનો સમાવેશ કરો. તેનાથી તમારી રોગપ્રતિકારક શક્તિ મજબૂત થશે અને તમે વારંવાર બીમાર પડવાથી બચી શકશો. તે શરીરને ગરમ રાખવામાં અને હાડકાંને મજબૂત બનાવવામાં અસરકારક ભૂમિકા ભજવે છે. સાંધાના દુખાવાથી પીડિત લોકો માટે તલ દવાનું કામ કરે છે. તલ પ્રકૃતિમાં ગરમ હોય છે, તેથી શિયાળામાં તલ ખાવાથી શરીર ગરમ રહે છે.
• આહારમાં સફેદ તલ સામેલ કરવાના ફાયદા
હાડકાં બનશે મજબૂતઃ તલને કેલ્શિયમનો સારો સ્ત્રોત માનવામાં આવે છે. તલ ખાવાથી હાડકા મજબૂત બને છે. જો તમે દરરોજ 200 ગ્રામ સફેદ તલ ખાઓ છો તો આખા દિવસ માટે તમારી કેલ્શિયમની જરૂરિયાત પૂરી થઈ શકે છે. તેનાથી હાડકાના દુખાવામાં રાહત મળે છે અને હાડકા મજબૂત બને છે. સાંધાના દુખાવાની સમસ્યા પણ દૂર થાય છે.
દિવસભર ઉર્જાવાન અનુભવ કરશોઃ સફેદ તલ ખાવાથી શરીરને ભરપૂર ઊર્જા મળે છે. જો તમે દિવસભરમાં મુઠ્ઠીભર તલ ખાશો તો તેનાથી આળસ, નબળાઈ અને થાક દૂર રહેશે. શરીર સક્રિય રહેશે અને તમે ફિટ અનુભવશો. તમે શિયાળામાં થતી બીમારીઓથી પણ દૂર રહી શકશો.
શરીરને ગરમી મળશેઃ તલનું સેવન કરવાથી શરીર ગરમ રહેશે. તેનાથી તમને શરીરના દુખાવા, સાંધાના દુખાવા અને શરદીથી રાહત મળશે. સફેદ તલ ખાવાથી કોલેસ્ટ્રોલનું પ્રમાણ ઘટે છે અને પાચન પ્રક્રિયા સ્વસ્થ રહે છે. કેલ્શિયમ ઉપરાંત ઝીંક, કોપર, મેગ્નેશિયમ અને હેલ્ધી ફેટ તલમાં જોવા મળે છે. જે સંધિવા અને હૃદયના દર્દીઓ માટે ફાયદાકારક સાબિત થાય છે.
