લખનૌઃ ઉત્તરપ્રદેશના કુખ્યાત ગેંગસ્ટર અતિક અહેમદના પુત્ર અસદ અને તેના સાગરિત ગુલામને પોલીસે એન્કાઉન્ટરમાં ઠાર માર્યાં હતા. તેમજ અસરની આજે ધાર્મિક વિધી સાથે પોલીસ બંદોબસ્ત વચ્ચે અંતિમ સંસ્કાર કરવામાં આવ્યાં હતા. દરમિયાન અશરફે ઉમેશ પાલ હત્યા કેસમાં સંડોવાયેલા શૂટરોને પોલીસને સોંપવાની ખાતરી આપી હતી. જે બાદ પોતાના વચનમાં અશરફ ફરી ગયો હતો. જેથી પોલીસે અસદ તથા અન્ય આરોપીઓને ઝડપી લેવા માટે ઉત્તર ભારતમાં કવાયત વધારે તેજ કરી હતી. જો અશરફે વચન નિભાવીને અસદ અને શૂટર્સને પોલીસને હવાલે કરાવ્યાં હોત તો બંનેના જીવ બચી જતા, તેમ સુત્રોએ જણાવ્યું હતું.
સુત્રોના જણાવ્યા અનુસાર ઉમેશ પાલ હત્યા કેસમાં સંડોવાયેલા અસદ સહિતના આરોપીઓને પોલીસ શોધી રહી હતી. દરમિયાન અતિક અહેમદ સહિત 3 આરોપીઓને ઉમેશ પાલ અપહરણના જુના કેસમાં કોર્ટે કસુરવાર ઠરાવીને આજીવન કેસની સજા ફરમાવી હતી. ઉમેશ પાલ અપહરણ કેસમાં પોલીસની ટીમ અશરફને પ્રયાગરાજની કોર્ટમાં લઈ જતી હતી ત્યારે શૂટરોને બચાવવા માટે તેમને પોલીસ સમક્ષ સરન્ડર કરાવવાની તૈયારી દર્શાવી હતી. જો કે, બરેલી પાછા જવા માટે પોલીસ વાનમાં ચઢતાની સાથે જ પોતાના વચન ઉપરથી ફરી ગયો હતો.
એટલું જ નહીં આખા રસ્તામાં વાનમાં બેઠેલા પોલીસકર્મીઓને ધમકાવતો રહ્યો હતો. તેણે પોલીસકર્મીઓને કહ્યું કે તે કોઈ પણ સંજોગોમાં શૂટરોને પોલીસને સોંપશે નહીં. અશરફની આ હરકતથી પોલીસ અધિકારીઓને ખ્યાલ આવી ગયો હતો અશરફ પોલીસને ગેરમાર્ગે દોરીને અસદ અને શૂટરોને બચાવવાનો પ્રયાસ કરી રહ્યો છે. જેથી પેલીસે આરોપીઓને ઝડપી લેવા માટે તપાસ વધુ તેજ કરી હતી. દરમિયાન અસદ અને ગુલામનો પીછો કરતી એસટીએફની ટીમને બાતમી મળી હતી કે, બંનેને ઝાંસીમાં સતીશ પાંડ્યેના ઘરે છુપાયો છે જેથી પોલીસે તેમને ઘેરી લીધા હતા.
પોલીસ સૂત્રોનું માનીએ તો અતીક અને અશરફે બંનેને ઝાંસી જવાનું કહ્યું હતું. તેમનો હેતુ સાબરમતી જેલમાંથી અતીકને પ્રયાગરાજ લાવતા પોલીસ કાફલા પર હુમલો કરીને આતંક મચાવવાનો હતો. ખરેખર, તેનો આખો પ્લાન પણ અશરફે જ બનાવ્યો હતો. તેમને ખાતરી હતી કે કાફલા પર હુમલો કરવાથી પોલીસનું મનોબળ તૂટી જશે.
