દિલ્હીઃ- ગઈકાલે 11 મી જુલાઈના રોજ GST કાઉન્સિલની 50મી બેઠક 11 જુલાઈ 2023ના રોજ દિલ્હીમાં યોજાઈ હતી. નાણામંત્રી નિર્મલા સીતારમણની અધ્યક્ષતામાં મળેલી જીએસટી કાઉન્સિલની બેઠકમાં ઘણી વસ્તુઓ પર જીએસટી લાદવાથી ઘણી વસ્તુઓ પર GST ઘટાડવા પર ચર્ચા કરવામાં આવી હતી.
યોજાયેલી કાઉન્સિલની આ બેઠકમાં ઓનલાઈન ગેમિંગની સાથે અન્ય વસ્તુઓ પર પણ જીએસટી વધારવાનો નિર્ણય લેવામાં આવ્યો છે. આ બેઠક બાદ બજારમાં કેટલીક વસ્તુઓના ભાવ ઘટી શકે છે, જ્યારે કેટલીક વસ્તુઓ પર જીએસટી વધી શકે છે.
આ સહીત ઓનલાઈન ગેમિંગના સંપૂર્ણ મૂલ્ય પર 28% GST વસૂલવાનું નક્કી કર્યું છે. રેખા ઝુનઝુનવાલા સમર્થિત નઝારા ટેક્નોલોજીસ, ઝેન્સર ટેક્નોલોજીસ, ડેલ્ટા કોર્પ, ઓનમોબાઇલ ગ્લોબલ, ટેક મહિન્દ્રા, ટીસીએસ અને ઇન્ફોસીસ અત્યારે ટોચના ગેમિંગ શેરોમાં છે
જો કે ઓનલાઈન ગેમિંગને લઈને વધેલા જીએસટી પર કેટલાક લોકોએ નારાજગી પણ દર્શાવી છે.સૌથી મોટો નિર્ણય ઓનલાઈન ગેમિંગને લઈને પણ લેવામાં આવ્યો છે. હવે આ ઉદ્યોગ પર 28 ટકા GST લાદવામાં આવ્યો છે. આ નિર્ણય બાદ ઓનલાઈન ગેમિંગ ઈન્ડસ્ટ્રી સાથે જોડાયેલા લોકોએ પોતાની ચિંતા વ્યક્ત કરી છે.
નઝારા, ગેમ્સક્રાફ્ટ, જ્યુપી અને વિન્ઝો જેવી ગેમિંગ કંપનીઓનું પ્રતિનિધિત્વ કરતી ઓલ ઈન્ડિયા ગેમિંગ ફેડરેશન (AIGF)એ તેના પ્રતિભાવમાં કહ્યું છે કે GST કાઉન્સિલનો નિર્ણય ગેરબંધારણીય અને અતાર્કિક છે.
આ સહીત દરમિયાન, ભારત-પેના સહ-સ્થાપક અશ્નીર ગ્રોવરે, જેમણે તાજેતરમાં ઑનલાઇન ગેમિંગની દુનિયામાં પ્રવેશ કર્યો છે, તેણે પણ સરકારના નિર્ણય પર ખુલ્લેઆમ નારાજગી વ્યક્ત કરી છે. તેણે ટ્વિટર પર પોતાની વાત મૂકી છે. Ashneer Cricpay નામથી ઑનલાઇન ગેમિંગ શરૂ કર્યું.
તેમણે ટ્વિટ કર્યું, “RIP – ભારતમાં વાસ્તવિક મની ગેમિંગ ઉદ્યોગ. જો સરકાર વિચારતી હોય કે લોકો ₹72 પોટ એન્ટ્રી (28% ગ્રોસ GST) પર રમવા માટે ₹100 મૂકશે; અને જો તેઓ ₹54 જીતે છે (પ્લેટફોર્મ ફી પછી) – તેઓએ તેના પર 30 ટકા TDS ચૂકવવો પડશે – જેના માટે તેઓને પ્રથમ ચોમાસામાં તેમના લિવિંગ રૂમમાં મફત સ્વિમિંગ પૂલ મળશે – આવું થઈ રહ્યું નથી!
જીએસટી કાઉન્સિલમાં કેન્સર સામે લડતી દવાઓ અને ઘણી દુર્લભ બીમારીઓ માટેની દવાઓ પર જીએસટી ઘટાડવાની આશા છે. જો કોઈ વ્યક્તિ પોતાના કોઈ સંબંધી માટે વિદેશથી કેન્સરની દવા ‘ડીનુટુક્સિમેબ’ ખરીદે છે, તો તેને જીએસટીમાંથી મુક્તિ મળે છે.જીએસટી કાઉન્સિલ ઓનલાઈન ગેમિંગ, હોર્સ રેસિંગ અને કેસિનોના સંપૂર્ણ મૂલ્ય પર 28 ટકા જીએસટી વસૂલવા સંમત થઈ છે.
