અસમઃ સુપ્રસિદ્ધ કામાખ્યા દેવી મંદિરમાં નવરાત્રિ મહોત્સવની વિશેષ ઉજવણી થશે

ગુવાહાટી (PTI), આ વર્ષે નવરાત્રી 15 ઓક્ટોબરથી શરૂ થશે. નવ દિવસના આ તહેવાર દરમિયાન દેવી દુર્ગાના અનેક સ્વરૂપોની પૂજા કરવામાં આવે છે. આમાં દુર્ગા પૂજા અને કુમારી પૂજા પણ સામેલ છે. આસામના પવિત્ર કામાખ્યા મંદિરમાં નવરાત્રિના તહેવારની લઈને ખાસ તૈયારીઓ ચાલી રહી છે. કામાખ્યા મંદિરના પ્રમુખ કવિન્દ્ર પ્રસાદ શર્માએ કહ્યું, “દુર્ગા પૂજાની શરૂઆતથી લઈને નવમી સુધી અમે દેવીની પ્રાર્થના કરીએ છીએ. અમે સપ્તમી, અષ્ટમી અને નવમી પર દુર્ગા પૂજા પણ ઉજવીએ છીએ. દશમીના દિવસે, પૂજા પૂરી થયા પછી, અમે બ્રહ્મપુત્રા નદીમાં દેવીની મૂર્તિનું વિસર્જન કરીએ છીએ.

સંત શ્રી શગર મહારાજે કહ્યું, “નવરાત્રિના દિવસ ખૂબ જ શુભ મનાય છે કારણ કે, એક નવરાત્રી દુર્ગા પૂજા છે અને બીજી માતા વૈષ્ણોની નવરાત્રી છે, તે દિવસે માતાને શણગારવામાં આવે છે. વૈષ્ણો દેવીજી, મહાદેવજી અને ગણપતિજીથી પણ શણગારવામાં આવ્યા છે. પરંતુ, આ વખતે કામાખ્યા માતાને શણગાર કરવામાં આવશે. નવરાત્રિમાં દરેક વ્યક્તિ કામાખ્યા માતાના દર્શન કરી શકશે. કામાખ્યા મંદિરમાં કૃષ્ણ નવમીથી શરૂ થતી દુર્ગા પૂજાની ઉજવણી કરવામાં આવે છે. આ તહેવાર મંદિર માટે ખાસ છે.

પૂજારી મોક્ષ શર્માએ કહ્યું કે, “નવરાત્રી દરમિયાન માતા કામાખ્યા દેવીની પૂજા થોડી વિશેષ છે. આપણા માટે, દુર્ગા પૂજા નવરાત્રીથી નહીં, પરંતુ કૃષ્ણ નવમીથી શરૂ થાય છે, આ પૂજા કૃષ્ણ નવમીથી શુક્લ દશમી સુધી 16 દિવસ સુધી કરવામાં આવે છે. કામાખ્યાની દુર્ગા પૂજા થોડી વિશેષ છે. કામાખ્યા દેવી મંદિર 52 શક્તિપીઠોમાંનું એક છે અને તેને તંત્ર સાધનાનું કેન્દ્ર માનવામાં આવે છે.