ખરાબ હવામાનને કારણે દિલ્હી એરપોર્ટ પર ફ્લાઇટ્સને અસર,18 ફ્લાઇટ્સ નજીકના શહેરોમાં ડાયવર્ટ કરવામાં આવી

દિલ્હી: રાષ્ટ્રીય રાજધાની દિલ્હીમાં વરસાદને કારણે શનિવારે સવારે 7:30 થી 10:30 વચ્ચે દિલ્હી જતી 18 ફ્લાઈટ્સ ડાયવર્ટ કરવામાં આવી હતી. 18 ફ્લાઈટને જયપુર, લખનઉ, અમદાવાદ અને અમૃતસર ડાયવર્ટ કરવામાં આવી છે.

રિપોર્ટ અનુસાર, ‘દિલ્હીમાં ખરાબ હવામાનને કારણે આજે સવારે 7:30 થી 10:30 વાગ્યાની વચ્ચે 18 ફ્લાઈટને જયપુર, લખનઉ, અમદાવાદ અને અમૃતસર તરફ ડાયવર્ટ કરવામાં આવી હતી.’ ઉલ્લેખનીય છે કે, વિસ્તારાએ શનિવારે દિલ્હી જતી ફ્લાઇટ UK906 ને અમદાવાદથી અમદાવાદ ડાયવર્ટ કરવાની જાહેરાત કરી હતી. તે જ સમયે, મુંબઈથી દિલ્હી જતી ફ્લાઈટ UK954ને જયપુર તરફ રીડાયરેક્ટ કરવામાં આવી હતી.

સેન્ટ્રલ પોલ્યુશન કંટ્રોલ બોર્ડ (CPCB) અનુસાર, દિલ્હીમાં એર ક્વોલિટી ઈન્ડેક્સ (AQI) ‘ખૂબ જ ખરાબ’ શ્રેણીમાં છે.  વધતા પ્રદૂષણને કારણે બાળકોને ખાંસી થઈ રહી છે. સ્થાનિક રહેવાસી રાહુલ સચદેવાએ જણાવ્યું કે, ‘હું અહીં મારી પુત્રી સાથે સેગવેની સવારી કરવા આવ્યો હતો. ઓછું પ્રદૂષણ હોત તો મજા બમણી થઈ ગઈ હોત. પ્રદૂષણના કારણે અમને શ્વાસ લેવામાં તકલીફ પડી રહી છે. બાળકોને ઉધરસ આવી રહી છે.

વિવિધ શહેરોના AQI મુજબ, આનંદ વિહાર 388 પર, અશોક વિહાર 386 પર, લોધી રોડ 349 પર અને જવાહરલાલ નેહરુ સ્ટેડિયમ 366 પર છે. આ પહેલા બુધવારે દિલ્હીના પર્યાવરણ મંત્રી ગોપાલ રાયે દિલ્હીમાં ગ્રેડેડ રિસ્પોન્સ એક્શન પ્લાન (GRAP)-3 હટાવવાની જાહેરાત કરી હતી. જો કે, તેમણે ગ્રાપ-1 અને ગ્રાપ-2ના કડક અમલ માટે સરકારની પ્રતિબદ્ધતા પર ભાર મૂક્યો હતો