બેંગલુરુ : કર્ણાટકમાં વિધાનસભા ચૂંટણી માટે બુધવારે એટલે કે 10 મેના રોજ મતદાન થવાનું છે. આના 24 કલાક પહેલા એટલે કે મંગળવારે બજરંગ દળ અને વિશ્વ હિન્દુ પરિષદે દેશભરમાં હનુમાન ચાલીસાના પાઠ કરવાની જાહેરાત કરી છે. વાસ્તવમાં, કર્ણાટકની ચૂંટણીમાં ‘બજરંગ બલી’ની એન્ટ્રી ત્યારે થઈ જ્યારે કોંગ્રેસે ગયા અઠવાડિયે જાહેર કરેલા તેના ઢંઢેરામાં કહ્યું હતું કે, રાજ્યમાં સરકાર આવતાની સાથે જ બજરંગ દળ, પીએફઆઈ સહિત જ્ઞાતિ અને ધર્મના આધાર પર સમુદાયો વચ્ચે નફરત ફેલાવતા તમામ સંગઠનો સામે કડક કાર્યવાહી કરીને તેના પર પ્રતિબંધ લગાવવામાં આવશે.
આ જાહેરાત બાદ વડાપ્રધાન નરેન્દ્ર મોદીએ બજરંગ દળને બજરંગ બલી સાથે જોડીને કોંગ્રેસ પર નિશાન સાધ્યું હતું. પીએમ મોદીએ પોતાની રેલીમાં કહ્યું કે, કોંગ્રેસ પાર્ટીએ પોતાના મેનિફેસ્ટોમાં બજરંગબલીને તાળા મારવાનો નિર્ણય કર્યો છે. પીએમ મોદીના આ નિવેદન બાદ બીજેપી નેતાઓએ બજરંગ દળ અને બજરંગબલીના મુદ્દે કોંગ્રેસ પર પ્રહારો કર્યા હતા. સાથે જ વિશ્વ હિન્દુ પરિષદ અને બજરંગ દળ જેવા સંગઠનો પણ સતત કોંગ્રેસનો વિરોધ કરી રહ્યા છે.
VHPના મહાસચિવ મિલિંદ પરાંડેએ કહ્યું કે, હનુમાન ચાલીસાના પાઠની જાહેરાત કોંગ્રેસ અને અન્ય સંસ્થાઓ અને કાર્યકરોને જ્ઞાન આપવા માટે કરવામાં આવી છે. કોંગ્રેસ આતંકવાદીઓ, પ્રતિકૂળ શક્તિઓની હિમાયત અને પ્રચાર માટે છે.
તેમણે કહ્યું, “આ અત્યંત અપમાનજનક છે કે કર્ણાટક કોંગ્રેસના ચૂંટણી ઢંઢેરામાં, પાર્ટીએ બજરંગ દળ પર પ્રતિબંધ મૂકવાનું વચન આપ્યું છે અને ત્યારબાદ રાજસ્થાન, છત્તીસગઢ, હિમાચલ પ્રદેશ અને મહારાષ્ટ્ર સહિત ઘણા રાજ્યોમાં કોંગ્રેસ અને કેટલાક અન્ય હિંદુ વિરોધી નેતાઓ બજરંગ દળ પર પ્રતિબંધ મૂકવાની માંગ કરી છે.
