BCCIએ ટીમ ઈન્ડિયાની નવી જર્સીનો પ્રોમો જાહેર કર્યો,વીડિયોએ મિનિટોમાં જ મચાવી ધૂમ
મુંબઈ : ટીમ ઈન્ડિયાની નવી જર્સીએ ધૂમ મચાવી છે. BCCIએ શનિવારે ટીમ ઈન્ડિયાની નવી જર્સીનો પ્રોમો જાહેર કર્યો. આ વીડિયોએ મિનિટોમાં જ ધૂમ મચાવી દીધી હતી. 1.18 સેકન્ડના આ વીડિયોમાં ભારતીય કેપ્ટન રોહિત શર્મા, વિરાટ કોહલી, હાર્દિક પંડ્યા, શુભમન ગિલ, જસપ્રીત બુમરાહ, મહિલા કેપ્ટન હરમનપ્રીત કૌર જોવા મળે છે. ન્યુ જર્સીનો પ્રોમો અંદરની આગને જગાડનાર છે. વર્લ્ડ ટેસ્ટ ચેમ્પિયનશિપની ફાઈનલ માટે ઈંગ્લેન્ડ ગયેલી ટીમ ઈન્ડિયા પણ નવી ટેસ્ટ જર્સીમાં જોવા મળશે.
હવે ટૂંક સમયમાં ચાહકો પણ આ જર્સી લેશે. ટીમ ઈન્ડિયાની નવી જર્સી ટૂંક સમયમાં સ્ટોર પર ઉપલબ્ધ થશે. ટીમ ઈન્ડિયાની નવી જર્સી એડિડાસ દ્વારા ડિઝાઈન કરવામાં આવી છે. આ બ્રાન્ડે ટીમ ઈન્ડિયાની ત્રણેય જર્સી લોન્ચ કરી હતી. BCCIએ નવી જર્સીનો વીડિયો શેર કર્યો છે, જેમાં ખેલાડીઓ જર્સી પહેરવાની લાગણી અને અર્થ સમજાવતા જોવા મળે છે.
The jersey that makes you feel just one thing, Impossible Is Nothing!#OwnYourStripes #adidasXBCCI #adidasTeamIndiaJersey #ImpossibleIsNothing pic.twitter.com/vhahx4q1bV
— BCCI (@BCCI) June 3, 2023
પ્રોમોની શરૂઆત રોહિત શર્માથી થાય છે. તેમના પછી કોહલી અને હરમનપ્રીત કૌર દેખાયા હતા. આ પછી હાર્દિક પંડ્યા અને પછી શુભમન ગિલ અને જસપ્રીત બુમરાહ જર્સી વિશે જણાવતા જોવા મળ્યા હતા. ટી20 ફોર્મેટમાં ભારતીય ટીમની જર્સી ઘેરા વાદળી રંગની છે. જ્યારે ODI ફોર્મેટની જર્સી આછા વાદળી શેડની છે. જ્યારે ટેસ્ટ ફોર્મેટની જર્સી વાદળી રંગ સાથે ક્લાસિક સફેદ છે.
ભારતીય પ્રશંસકો ભારતીય ટીમની નવી જર્સીને પસંદ કરી રહ્યા છે અને તે લોન્ચ થયા બાદથી સ્ટોર્સ પર તેની આતુરતાથી રાહ જોઈ રહ્યા હતા. શનિવારે પ્રોમોની સાથે બોર્ડે ભારતીય ચાહકોને ખુશખબર પણ આપી હતી. મીડિયા રિપોર્ટ્સ અનુસાર, ચાહકો ભારતીય ટીમની નવી જર્સી 5,000 રૂપિયામાં ખરીદી શકે છે.
