મુંબઈ:ટીમ ઈન્ડિયા હાલમાં T20 વર્લ્ડ કપની તૈયારી કરી રહી છે અને આ વર્લ્ડ કપ આવતા મહિને ઓસ્ટ્રેલિયામાં રમાવાનો છે. આ દરમિયાન ક્રિકેટ ચાહકો માટે વધુ એક મોટા સમાચાર આવ્યા છે, ડિસેમ્બરમાં ઈન્ડિયન પ્રીમિયર લીગ-2023 માટે હરાજી થઈ શકે છે. આ એક મીની હરાજી હશે, જેનું સ્થળ હજુ નક્કી કરવામાં આવ્યું નથી.
ક્રિકબઝના રિપોર્ટ અનુસાર, BCCI ડિસેમ્બરના બીજા કે ત્રીજા સપ્તાહમાં આ હરાજી કરી શકે છે. એવું માનવામાં આવે છે કે 16 ડિસેમ્બરે, આ હરાજી IPL 2023 માટે થઈ શકે છે.IPL 2022 પહેલા એક મેગા ઓક્શન હતી, પરંતુ તે એક સરળ હરાજી હશે.
હરાજી માટે દરેક ટીમના પર્સ 95 કરોડ રૂપિયા હશે, જો કોઈ ખેલાડી બહાર જશે તો તે મુજબ ટીમના પર્સમાં રકમ વધી જશે. આ વખતે ટીમના પર્સમાં ગયા વર્ષની સરખામણીએ 5 કરોડ રૂપિયા વધુ છે, તેથી જોવાનું રહેશે કે ટીમો આ વખતે મિની IPLમાં કેવો ખર્ચ કરે છે.
IPL 2022 પછી ઘણી ટીમોમાં ખેલાડીઓના ખરાબ પ્રદર્શનની ચર્ચા હતી. આવી સ્થિતિમાં આ આઈપીએલમાં ઘણા મોટા સોદા જોવા મળી શકે છે, જેમાં ચેન્નાઈ સુપર કિંગ્સના રવિન્દ્ર જાડેજા, ગુજરાત ટાઈટન્સના શુભમન ગિલ જેવા ખેલાડીઓનું નામ આવે તેવી શક્યતા છે.
BCCI પ્રમુખ સૌરવ ગાંગુલી પહેલા જ જાહેરાત કરી ચૂક્યા છે કે IPL 2023 તેની જૂની શૈલીમાં રમાશે. એટલે કે આ વખતે આઈપીએલ ભારતમાં યોજાશે અને હોમ-અવે મેચની જેમ આયોજિત કરવામાં આવશે. એટલે કે, દરેક ટીમના હોમ ગ્રાઉન્ડમાં મેચો યોજાશે, જેમ કે કોરોના સમયગાળા પહેલા થતી હતી.
આ IPL ઘણી રીતે ખાસ બનવાની છે, કારણ કે માનવામાં આવે છે કે,આ મહેન્દ્ર સિંહ ધોનીની છેલ્લી IPL સાબિત થશે.આ સિવાય મહિલા આઈપીએલ પણ વર્ષ 2023થી શરૂ થઈ શકે છે, તેથી બીસીસીઆઈ આ તમામ મોટા ઈવેન્ટની તૈયારીમાં પહેલેથી જ વ્યસ્ત છે.
