ભાજપ અને કેન્દ્ર સરકાર કેજરીવાલના જીવન સાથે રમી રહી છે, સંજ્યસિંહનો ગંભીર આરોપ

નવી દિલ્હીઃ આમ આદમી પાર્ટી (AAP)ના રાજ્યસભાના સભ્ય સંજય સિંહે શનિવારે આક્ષેપ કર્યો હતો કે ભાજપ અને તેની કેન્દ્ર સરકાર દિલ્હીના મુખ્યમંત્રી અરવિંદ કેજરીવાલના જીવન સાથે રમત રમી રહી છે, કેજરિવાલનું જેલવાસ દરમિયાન 8.5 કિલો વજન ઘટાડ્યું છે અને લોહીમાં સુગરનું સ્તર પાંચ વખત 50 mg/dL ની નીચે ગયું છે. સિંહના દાવા પર ભાજપ તરફથી તાત્કાલિક કોઈ પ્રતિક્રિયા આવી નથી. સિંહે અહીં એક પ્રેસ કોન્ફરન્સમાં કહ્યું કે, “તેમની તબિયત એવી છે કે જો તેને જલ્દીથી જેલમાંથી બહાર લાવવામાં નહીં આવે અને તેની સારવાર કરવામાં ન આવે તો તેમની સાથે કોઈ ગંભીર ઘટના બની શકે છે.”

તેમણે કહ્યું કે, જ્યારે એન્ફોર્સમેન્ટ ડિરેક્ટોરેટ (ED) એ 21 માર્ચે એક્સાઇઝ પોલિસી સંબંધિત મની લોન્ડરિંગ કેસમાં કેજરીવાલની ધરપકડ કરી ત્યારે તેમનું વજન 70 કિલો હતું, જે ઘટીને 61.5 કિલો થઈ ગયું છે. સિંહે દાવો કર્યો કે તેમનું સતત વજન ઘટવાનું કારણ અજ્ઞાત છે, કારણ કે કોઈ તપાસ કરવામાં આવી નથી. સિંહે કહ્યું કે વજન ઘટવું એ કોઈ ગંભીર બીમારીની નિશાની છે.

તેમણે કહ્યું કે, કેજરીવાલનો પરિવાર, AAP અને તેમના શુભચિંતકો જેલમાં તેમની તબિયત અંગે ચિંતિત છે. સિંહે આરોપ લગાવ્યો, “ભાજપ અને કેન્દ્રમાં તેમની સરકારનો ઉદ્દેશ્ય તેમને જેલમાં રાખવાનો અને તેમના જીવન સાથે રમવાનો છે. તેઓ કાવતરું ઘડી રહ્યા છે જેથી તેમને કેટલીક ગંભીર સ્વાસ્થ્ય સમસ્યાઓનો સામનો કરવો પડે.” ED દ્વારા નોંધાયેલા કેસમાં સુપ્રીમ કોર્ટે શુક્રવારે દિલ્હીના મુખ્યમંત્રીને વચગાળાના જામીન આપ્યા છે. જોકે, તે હજુ પણ જેલમાં છે કારણ કે તેની સીબીઆઈ દ્વારા એક્સાઈઝ પોલીસી કૌભાંડ કેસમાં ધરપકડ કરવામાં આવી છે.