ગુજરાત ચૂંટણીને લઈને ભાજપ એક્શનમોડમાં – વિઝન ડોક્યુમેન્ટ માટે 1 કરોડ લોકો પાસેથી માંગશે સૂચનો
- ગુજરાત ચૂંટણીના વાગી રહ્યા છે પડઘમ
- બીજેપી વિઝન ડોક્યૂમેન્ટ માટે 1 કરોડ લોકો પાસે માંગશે સૂચનો
અમદાવાદઃ- ગુજરાત વિધાનસભાની ચૂંટણીના પડઘમ વાગી રહ્યા છે ત્યારે દરેક પાર્ટી જનતાને રિઝાવવા એડી ચોંટીનું જોર લગાવી રહી છે,આ સાથે જ ભારતીય જનતા પાર્ટી પોતાની સત્તાને કાયમ બનાવી રાખવા અથાગ પ્રયાસમાં જોતરાય છે જેના ભાર રુપે હવે બીજેપી ગુજરાતમાં એક્શન મોડમાં જોવા મળે છે.
આ સાથે જ આજથી બીજેપી સાથે જોડાયેલા ઘમા નેતાઓ ગુજરાતના પ્રવાસે છે. આ સમયગાળા દરમિયાન વિવિધ વિધાનસભા મતવિસ્તારોમાં લક્ષ્ય જૂથો સાથે પ્રવાસ કરશે અને પાર્ટીના દસ્તાવેજ ‘અગ્રસર ગુજરાત’ માટે રાજ્યના લગભગ એક કરોડ લોકો પાસેથી સૂચનો પણ માંગશે.ઉલ્લેખનીય છે કે આ સ્થળાંતર આજથી આઠ દિવસ સુધી ચાલશે અને 15 નવેમ્બરે સમાપ્ત થનાર છે.જેને લઈને અનેક નેતાઓ તથા કેન્દ્રીય મંત્રીઓ ગુજરાતમાં અનેક પ્રયત્નોમાં જોતરાયા છે.
કેન્દ્રીય મંત્રી પીયૂષ ગોયલ મંગળવારે સુરતમાં કાર્યરત પ્રોફેશનલ્સના જૂથ સાથે વાતચીત કરશે. બીજી તરફ કેન્દ્રીય મંત્રી મહેન્દ્ર નાથ પાંડે ગુરુવારે અંકલેશ્વરમાં શેરી વિક્રેતાઓ અને ઔદ્યોગિક કામદારોને મળશે. આ ઉપરાંત ભાજપના યુવા એકમના પ્રમુખ તેજસ્વી સૂર્યા અમદાવાદમાં યુવાનોને મળશે. સંબિત પાત્રા મીડિયા પ્રોફેશનલ્સ સાથે વાતચીત કરશે, જ્યારે કેન્દ્રીય મંત્રી પુરુષોત્તમ રૂપાલા પશુપાલન ઉદ્યોગના વ્યાવસાયિકો સાથે બેઠક યોજશે.આ તમામ નેતાઓ હવે ગુજરાતની ચૂંટણીમાં જોતરાયા છે .
રાજ્યની 182 વિધાનસભા બેઠકો માટે વ્યાવસાયિકો અને ઉદ્યોગપતિઓને મળીને ડોર ટુ ડોર સંપર્ક કરીને ગુજરાતને કેવી રીતે આગળ લઈ જઈ શકાય તે અંગે સૂચનોમાંગવામાં આવશે
ઉલ્લેખનીય છે કે આ ઝુંબેશ આજથી શરુ થઈને 15 નવેમ્બર સુધી ચાલુ રહેશે, જેથી મેનિફેસ્ટો ટીમ સમાજના વિવિધ વર્ગોમાંથી એકત્ર કરાયેલા સૂચનો પર કાર્ય કરી શકાશે.
આ સાથે જ કાર્યને વધુ સફળ બનાવવામાં આ કામ માટે વિધાનસભા મતવિસ્તારોમાં એસ્પિરેશન બોક્સ રાખવામાં આવશે અને દિવાલો પર કેનવાસ લગાવવામાં આવશે, જેથી તેના પર સૂચનો લખી શકાય અને આપી શકાય
આથી વિશેષ વધુ કાર્ય સરળ બને તે માટે અનેક બીજેપીના નેતાઓ SC, ST, મહિલાઓ અને યુવાનો, કલાકારો અને જાગૃતિ લાવવા માટે કામ કરતી સંસ્થાઓનો સંપર્ક કરશે અને તેમના સહયોગથી કાર્ય પાર પાડશે.
