- જેપી નડ્ડાનું સંપર્ક થી સમર્થન અભિયાન
- આજે ઝારખંડ અને ઓડિશાની મુલાકાત લેશે
દિલ્હીઃ- ભારતીય જનતા પાર્ટીને સત્તામાં 9 વર્ષ પૂર્ણ થવા પર કેન્દ્રની સરકાર અનેક અભિયાન ચલાવી રહી છે જેમાંથી એક અભિયાન છે સંપર્ક થી સમર્થન, ત્યારે આ અભિયાનના ભાગરુપે આજરોજ 22 જૂને ભારતીય જનતા પાર્ટીના અધ્યક્ષ જે પી નડ્ડા ઓડિશા અને ઝારખંડના બે દિવસના પ્રવાસે જશે.
પ્રાપ્ત વિગત પ્રમાણે બે દિવસના પ્રવાસ દરમિયાન તેઓ તેમની પાર્ટીના ‘સંપર્ક ટુ સપોર્ટ’ અભિયાન હેઠળ પ્રતિષ્ઠિત લોકો સાથે ખાસ મુલાકાત કરતા જોવા મળશે. તેમણે ઝારખંડ અને ઓડિશામાં એક-એક જાહેર સભાને પણ સંબોધિત કરી હતી.ઝારખંડ અને ઓડિશામાં એક-એક જાહેર સભાને પણ તેઓ સંબોધશે અને બંને રાજ્યોમાં અનેક સંગઠનાત્મક બેઠકોમાં ભાગ લેવા જઈ રહ્યા છે.
ભાજપે વિતેલા મહિને 2024ની લોકસભા ચૂંટણી સહિત આગામી વિધાનસભા ચૂંટણીઓને ધ્યાનમાં રાખીને દેશવ્યાપી ‘સંપર્ક સે સમર્થન’ અભિયાન શરૂ કર્યું હતું. આ અંતર્ગત કેન્દ્ર સરકારના મંત્રીઓ અને પાર્ટીના સાંસદો સહિત તેના નેતાઓ પ્રતિષ્ઠિત લોકો સહિત જનતાનો સંપર્ક કરીને તેમનું સમર્થન માંગી રહ્યા છે.
જાણકારી પ્રમાણે જેપી નડ્ડા આજરોજ ગુરુવારે ઝારખંડના ગિરિડીહ જિલ્લામાં એક જાહેર સભાને સંબોધશે. આ રેલી પછી નડ્ડા ગિરિડીહ સ્થિત તેમના નિવાસ સ્થાને સરોદ ઉસ્તાદ મોરજી અને મુકુટ કેડિયાને મળશે.
ગિરિડીહમાં કેટલાક અન્ય કાર્યક્રમોમાં ભાગ લીધા બાદ બીજેપી અધ્યક્ષ ઓડિશા જવા રવાના થશે. ઓડિશામાં, તેઓ ઝારસુગુડામાં ભાજપ કાર્યાલયમાં બારગઢ લોકસભા મતવિસ્તારના વરિષ્ઠ નેતાઓ સાથે બેઠકની અધ્યક્ષતા કરશે.આ સાથે બીજા દિવસને નડ્ડા શુક્રવારે ભવાનીપટનામાં મા મણિકેશ્વરી મંદિરમાં પ્રાર્થના કરશે અને બાદમાં લાલ બહાદુર શાસ્ત્રી સ્ટેડિયમમાં જાહેર રેલીને સંબોધશે.
