લોકસભા ચૂંટણીનું છ તબક્કામાં મતદાન થયું છે, જ્યારે સાતમા અને અંતિમ તબક્કા માટે મતદાન થવાનું બાકી છે. આવી સ્થિતિમાં રાજકીય વિશ્લેષક યોગેન્દ્ર યાદવે ઉત્તર પ્રદેશમાં I.N.D.I.A એલાયન્સની સ્થિતિને લઈને મોટો દાવો કર્યો છે.
ભાજપને 50થી 52થી વધુ બેઠકો નહીં મળે
યોગેન્દ્ર યાદવે કહ્યું કે મેં ઉત્તર પ્રદેશમાં 1000 કિલોમીટરનો પ્રવાસ કર્યા પછી મને ખબર પડી કે આ વખતે ભાજપના વોટ સરકી રહ્યા છે. આ વખતે ભાજપની લીડ ઘટીને પાંચથી છ ટકા થઈ જશે. મતલબ કે ભાજપને 50થી 52થી વધુ બેઠકો નહીં મળે. જો ભાજપની વોટિંગ ટકાવારી ઘટશે તો સીટોની સંખ્યા ઘટીને 40 પણ થઇ શકે છે.યોગેન્દ્ર યાદવે કહ્યું, “જે લોકોએ ગત વખતે ભાજપને મત આપ્યો હતો, આ વખતે તેઓએ ખુલ્લેઆમ નારાજગી વ્યક્ત કરી અને કહ્યું કે આ વખતે તેઓ ભાજપને મત નહીં આપે.” તેના બદલે તે સપા અને કોંગ્રેસને મત આપશે. આનાથી સ્પષ્ટ થાય છે કે યુપીમાં ભાજપના મતો ઘટી રહ્યા છે.
ભાજપની સીટો ઘટીને 40 પણ થઇ શકે છેઃ યોગેન્દ્ર યાદવ
યોગેન્દ્ર યાદવે કહ્યું કે અત્યારે ભાજપ એવા મુકામે ઉભી છે કે તેમની સીટો 50થી ઘટીને 40 ક્યારે થશે તે અંગે કંઈ કહી શકાય તેમ નથી.
યોગેન્દ્ર યાદવે દાવો કર્યો કે યુપીમાં કોંગ્રેસ અને સપાનું ગઠબંધન નબળું છે, પરંતુ બંનેના ઈન્ડિયા ગઠબંધનનો હિસ્સો બનવાનો ફાયદો એ થયો કે મુસ્લિમ મતોની સાથે દલિત મતદારો પણ તેમની તરફ આવ્યા છે.