અમદાવાદઃ શહેર નજીક ધોળકા પાસે એક સ્ટીલ કંપનીમાં સિલિન્ડ બ્લાસ્ટ થતા નાસભાગ મચી ગઈ હતી. આ દુર્ઘટનામાં 7 વ્યક્તિઓ દાઝતા તેમને સારવાર અર્થે હોસ્પિટલ લઈ જવાયાં હતા. જે પૈકી 3ની હાલત ગંભીર હોવાનું જાણવા મળે છે.
પ્રાપ્ત માહિતી અનુસાર ધોળકાના સીનેજ ગામ નજીક આવેલા એક સ્ટીલ ફેકટરીમાં કર્મચારી કામ કરી રહ્યાં હતા. ત્યારે અચાનક ગેલ સિલિન્ડરમાં બ્લાસ્ટ બાદ આગ લાગી હતી. જેથી નાસભાગ મચી ગઈ હતી. આ બનાવને પગલે આસપાસના લોકો સ્થળ પર દોડી ગયા હતા. તેમજ પોલીસ અને ફાયરબ્રિગેડની ટીમ પણ તાત્કાલિસ સ્થળ પર દોડી ગઈ હતી. તેમજ બચાવ કામગીરી આરંભી હતી.
આગની આ ઘટનામાં સાત વ્યક્તિઓ દાઝી હતી. જેથી તેમને સારવાર અર્થે હોસ્પિટલ લઈ જવાયાં હતા. પોલીસે સમગ્ર ઘટનાની ઊંડાણપૂર્વકની તપાસ આરંભી છે. તેમજ દુર્ઘટના કેવી રીતે સર્જાઈ તેની તપાસ શરૂ કરી છે.