બોલિવૂડ એક્ટ્રેસ સોહા અલી ખાનનો આજે 43 મો જન્મદિવસ,હિન્દી સાથે બંગાળી અને અંગ્રેજી ફિલ્મોમાં પણ કર્યું છે કામ
- એક્ટ્રેસ સોહા અલી ખાનનો આજે જન્મદિવસ
- બંગાળી અને અંગ્રજી ફિલ્મોમાં પણ કર્યું કામ
- સોહાને પુસ્તકો વાંચવાનો છે ખૂબ જ શોખ
મુંબઈ:બોલિવૂડ અભિનેત્રી અને પટૌડી પરિવારની પુત્રી સોહા અલી ખાનનો જન્મદિવસ છે. તેણી 43 વર્ષની થઈ. સોહાનો જન્મ 4 ઓક્ટોબર 1978 ના રોજ દિલ્હીમાં થયો હતો.તે દિગ્ગજ અભિનેત્રી શર્મિલા ટાગોર અને દિવંગત ક્રિકેટર મન્સૂર અલી ખાન પટૌડીની પુત્રી છે.તે સૈફ અલી ખાનની નાની બહેન છે.સોહાએ દિલ્હીની ‘ધ બ્રિટિશ સ્કૂલ’ માં અભ્યાસ કર્યો અને પછી ઓક્સફર્ડની બલ્લિઓલ કોલેજમાંથી આધુનિક ઇતિહાસનો અભ્યાસ કર્યો. તેમણે લંડન સ્કૂલ ઓફ ઇકોનોમિક્સ એન્ડ પોલિટિકલ સાયન્સમાંથી ઇન્ટરનેશનલ રિલેશનમાં પોસ્ટ ગ્રેજ્યુએશન કર્યું છે.
સોહા અલી ખાન બોલિવૂડની સૌથી સુંદર અભિનેત્રીઓમાંની એક છે. તેમણે હિન્દી, બંગાળી અને સિનેમામાં કામ કર્યું છે. તેણે વર્ષ 2004 માં ફિલ્મ ‘દિલ માંગે મોર’થી બોલિવૂડમાં પ્રવેશ કર્યો હતો. 2006 માં આવેલી ફિલ્મ ‘રંગ દે બસંતી’માં તેણે દમદાર અભિનય આપ્યો હતો.આ માટે તેણીને બેસ્ટ સપોર્ટીંગ એક્ટ્રેસની કેટેગરીમાં નોમિનેટ પણ કરવામાં આવી હતી.આમિર ખાન અભિનીત ‘રંગ દે બસંતી’ તે વર્ષની સૌથી વધુ કમાણી કરનારી અને સુપરહિટ ફિલ્મ હતી. આ પછી તેણે ‘આહિસ્તા-આહિસ્તા’ અને ‘ખોયા-ખોયા’ ચાંદ જેવી ફિલ્મોમાં કામ કર્યું.
સોહા અલી ખાને નાના પડદા પર રિયાલિટી ગેમ શો ગોદરેજ ખેલો જીતો જીયો હોસ્ટ કર્યો હતો. તે અંગ્રેજી ફિલ્મ ‘મિસ્ટર જો બી. કાર્વાલ્હો’માં પણ જોવા મળી હતી. વર્ષ 2017 માં તેણે શોર્ટ ફિલ્મ ‘સાઉન્ડપ્રૂફ’માં કામ કર્યું. આ ફિલ્મ અનેક આંતરરાષ્ટ્રીય ફિલ્મ મહોત્સવોમાં દર્શાવવામાં આવી હતી અને ન્યૂયોર્ક ઇન્ડિયન ફિલ્મ ફેસ્ટિવલમાં પુરસ્કારો જીત્યા હતા. શોર્ટ ફિલ્મને હ્યુસ્ટનના ભારતીય ફિલ્મ ફેસ્ટિવલ અને ઓટાવા ઇન્ડિયન ફિલ્મ ફેસ્ટિવલમાં બેસ્ટ શોર્ટ ફિલ્મનો એવોર્ડ મળ્યો
સોહા અલી ખાને વર્ષ 2017 માં પોતાનું પહેલું પુસ્તક લખ્યું હતું જેનું નામ છે ‘ધ પેરીલ્સ ઓફ બીઇંગ મોડરેટલી ફેમસ’. તેમાં રાજકુમારી તરીકે તેના જીવનની કેટલીક ટૂંકી વાર્તાઓનો સંગ્રહ છે. સોહા અલી ખાનને વાંચનનો ખૂબ શોખ છે. તે તેના ખાલી સમયમાં ઘણું વાંચે છે.
સોહા અલી ખાને 2014 માં પેરિસમાં અભિનેતા કુણાલ ખેમુ સાથે સગાઈ કરી અને 25 જાન્યુઆરી 2015 ના રોજ મુંબઈમાં લગ્ન કર્યા. સોહાએ 29 સપ્ટેમ્બર 2017 ના રોજ પુત્રી ઇનાયા નૌમી ખેમુને જન્મ આપ્યો હતો. તેમની પુત્રી હવે 4 વર્ષની થવા જઈ રહી છે. તે ઘણીવાર તેની પુત્રી સાથે સુંદર ચિત્રો શેર કરે છે.
