- અમેરિકન ફેશન ડિઝાઇનર Virgil Abloh નું નિધન
- કેન્સરના કારણે 41 વર્ષની વયે થયું નિધન
- બોલિવૂડ સેલેબ્સે આપી શ્રદ્ધાંજલિ
મુંબઈ:અમેરિકાના પ્રખ્યાત ફેશન ડિઝાઈનર Virgil Abloh નું કેન્સરને કારણે રવિવારે નિધન થયું હતું.અમેરિકન ફેશન ડિઝાઇનર 41 વર્ષની ઉંમરે આ ગંભીર બીમારીથી હારી ગયા.તેમના નિધનથી સમગ્ર ફેશન અને ફિલ્મ જગતમાં શોકનો માહોલ છે. ફેશન જગત માટે રવિવાર ખરાબ સમાચાર લઈને આવ્યો. આ પ્રતિભાશાળી ફેશન ડિઝાઈનરના નિધન પર હોલિવુડ ઈન્ડસ્ટ્રીની મોટી હસ્તીઓ શોક વ્યક્ત કરી રહી છે તો સાથે જ બોલિવૂડ સેલેબ્સે પણ શોક વ્યક્ત કર્યો છે.
બોલિવૂડ અભિનેતા અભિષેક બચ્ચન,પ્રિયંકા ચોપડા, સોનમ કપૂર, કરણ જોહર, સહિત અન્ય ઘણી હસ્તીઓએ પોતાનું દુઃખ સોશિયલ મીડિયા પર વ્યક્ત કર્યું હતું. ફિલ્મ નિર્માતા-નિર્દેશક કરણ જોહરે ઈન્સ્ટાગ્રામ પર પોતાનું દુઃખ વ્યક્ત કરતા લખ્યું. આટલી નાની ઉંમરમાં આ ફેશન ડિઝાઈનરના અવસાનથી તેને ખૂબ જ આઘાત લાગ્યો છે.
બોલિવૂડ એક્ટ્રેસ પ્રિયંકા ચોપડાએ પોતાની સ્ટોરી પર ડિઝાઈનરની તસવીર શેર કરતા લખ્યું, “બહુ જલ્દી ચાલ્યા ગયા.” તેમણે આ શબ્દોમાં પોતાનું દુઃખ વ્યક્ત કર્યું. સોનમ કપૂરે પણ સોશિયલ મીડિયા પર દિવંગત ફેશન ડિઝાઇનરના પરિવાર પ્રત્યે સંવેદના વ્યક્ત કરી હતી. સોનમે લખ્યું, “તે ખૂબ જ દુખદ છે, હું તેના પરિવાર માટે સંવેદના અનુભવું છું.આટલા યંગ અને ડાયનામિક.રેસ્ટ ઇન પીસ. આ શ્રદ્ધાંજલિ સંદેશ લખતી વખતે, તેણે વર્જિલ એબ્લોહની એક ઇન્સ્ટાગ્રામ પોસ્ટ શેર કરી.