બોલીવુડઃ રવિના ટંડનની ફિલ્મ ઈમ્તિહાનની રીલીઝને 28 વર્ષ પૂર્ણ, જૂની યાદો તાજી કરી
મુંબઈ: બોલિવુડની અભિનેત્રી રવિના ટંડનએ સોશિયલ મીડિયા ઉપર પોતાની ફિલ્મ ઈમ્તિહાનના 28 વર્ષ પૂર્ણ થવા ઉપર ખુશી વ્યક્ત કરી છે. તેમજ કેટલાક ફોટો પણ શેર કર્યાં છે. જેને તેમના પ્રશંસકો પસંદ કરી રહ્યાં છે. રવિના ટંડન આગામી દિવસોમાં રજૂ થનારી ફિલ્મ કેજીએફ ચેપ્ટર-2માં જોવા મળશે.
બોલિવૂડ એક્ટ્રેસ રવિના ટંડનની ફિલ્મ ઈમ્તિહાને તેની રિલીઝના 28 વર્ષ પૂર્ણ થયા છે. રવિના ટંડન સોશિયલ મીડિયા પર ખૂબ જ એક્ટિવ છે અને તેના ફેન્સ સાથે જોડાયેલા રહેવા માટે તેના જીવનની ઘણી ખાસ ક્ષણો શેર કરે છે. રવિનાની ફિલ્મ ‘ઈમ્તિહાન’એ તેની રિલીઝના 28 વર્ષ પૂર્ણ કર્યા છે. ફિલ્મ ‘ઈમ્તિહાન’માં રવિના સાથે સૈફ અલી ખાન અને સની દેઓલ પણ મુખ્ય ભૂમિકામાં હતા. ખુશી શેર કરતા રવિનાએ તેના ઓફિશિયલ ઈન્સ્ટાગ્રામ એકાઉન્ટ પર ફિલ્મ ઈમ્તિહાનની કેટલીક તસવીરો શેર કરી છે. ફિલ્મની યાદોને તાજી કરતા રવિનાએ કેપ્શનમાં લખ્યું, ઈમ્તિહાનને 28 વર્ષ, ગીતો અને વાર્તા ફિલ્મની કરોડરજ્જુ હતી. રવિના ટંડન ટૂંક સમયમાં ફિલ્મ ‘KGF ચેપ્ટર 2’માં જોવા મળશે. આ ફિલ્મ આ વર્ષે 14 એપ્રિલે સિનેમાઘરોમાં આવશે. આ ફિલ્મ પ્રશાંત નીલ દ્વારા નિર્દેશિત ‘KGF: ચેપ્ટર 1’ની સિક્વલ છે. આ ફિલ્મમાં મુખ્ય અભિનેતા યશ ઉપરાંત સંજય દત્ત પણ લીડ રોલમાં છે.
