મુંબઈ:બોલિવૂડ સુપરસ્ટાર સલમાન ખાન અને શાહરૂખ ખાન ટૂંક સમયમાં સાથે જોવા મળવાના છે. ચાહકો માટે આ ખુશીના સમાચાર છે. બંને ખાન ફિલ્મ ઝીરોમાં જોવા મળ્યા છે. તે જ સમયે, સલમાન ખાન તેના શો બિગ બોસને કારણે ચર્ચામાં છે. આ ટીવી શો સિવાય સલમાન ખાન તેની બે ફિલ્મોને લઈને પણ ચર્ચામાં છે. સલમાન ખાન વર્ષ 2023માં ‘કિસી કા ભાઈ કિસી કી જાન’ અને ‘ટાઈગર 3’ સાથે બોક્સ ઓફિસ પર ધમાલ મચાવવા જઈ રહ્યો છે.
સલમાન ખાનની ફિલ્મ ‘ટાઈગર 3’માં પઠાણ બનેલ શાહરૂખ ખાનનો જાળવો જોવા મળશે,તો શાહરૂખની ફિલ્મ ‘પઠાણ’માં ટાઈગર બનેલ સલમાન ખાન પણ પોતાનો જાદુ બતાવશે.થોડા સમય પહેલા આ વાતની પુષ્ટિ કરવામાં આવી હતી, પરંતુ હવે સમાચાર આવ્યા છે કે શાહરૂખ ખાન ‘ટાઈગર 3’માં એક રોમાંચક સિક્વન્સમાં જોવા મળશે.
‘પઠાણ’,ની સાથે-સાથે ‘ટાઈગર’ અને ‘વોર’ ફ્રેન્ચાઈઝી યશ રાજ ફિલ્મ્સ દ્વારા ત્રણ શાનદાર ફિલ્મો છે.આદિત્ય ચોપડાની આ શાનદાર ફિલ્મોમાં શાહરૂખ, સલમાન અને ઋતિકએ સતત પોતાનો જાદુ બતાવ્યો છે.શાહરૂખ ખાન ‘પઠાણ’ની રિલીઝ પછી તરત જ ‘ટાઈગર 3’નું શૂટિંગ કરશે.શાહરૂખની ‘ટાઈગર 3’નું શૂટિંગ શિડ્યુલ 25 જાન્યુઆરી, 2023 પછી તરત જ પ્લાન કરવામાં આવી રહ્યું છે.માહિતી અનુસાર, એક મોટી માઉન્ટેડ એક્શન સિક્વન્સ હશે,જેમાં પઠાણ અને ટાઇગર એકસાથે જોવા મળશે. સલમાન ખાન, કેટરિના કૈફ અને શાહરૂખ ખાનની ફિલ્મ ટાઈગર 3 2023ની દિવાળી પર રિલીઝ થવા જઈ રહી છે.
