- અજય દેવગણનો આજે જન્મદિવસ દેવગણે
- ‘ફૂલ ઔર કાંટે’થી બોલિવૂડમાં કર્યું ડેબ્યૂ
- ઘણી બધી ફિલ્મોમાં કર્યું છે કામ
મુંબઈ:બોલિવૂડના સિંઘમ અજય દેવગણ 2 એપ્રિલે 53 વર્ષના થઈ રહ્યા છે. પોતાની પહેલી જ ફિલ્મથી અભિનેતાએ ચાહકોના દિલ પર રાજ કર્યું. અજય દેવગણે બોલિવૂડમાં એક્શનને લઈને એક અલગ જ ઓળખ બનાવી હતી.તેમની ફિલ્મો વિવેચકો અને પ્રેક્ષકો બંને દ્વારા પસંદ કરવામાં આવતી રહી.સાથે જ તેની ફિલ્મો પણ બોક્સ ઓફિસ પર રેકોર્ડબ્રેક કમાણી કરે છે.
2 એપ્રિલ 1969ના રોજ દિલ્હીમાં જન્મેલા અજય દેવગણે વર્ષ 1991માં ફિલ્મ ‘ફૂલ ઔર કાંટે’થી બોલિવૂડમાં એન્ટ્રી કરી હતી.અજયના પિતા વીરુ દેવગણ બોલિવૂડના જાણીતા સ્ટંટમેન હતા.અજયની માતા વીણા દેવગણ ફિલ્મ પ્રોડ્યુસર હતી.ઘરમાં ફિલ્મી વાતાવરણને કારણે અજયને પણ ફિલ્મોમાં રસ હતો.
પરંતુ બહુ ઓછા લોકો એ હકીકત વિશે જાણે છે કે,અજય દેવગણ બોલિવૂડમાં હીરો બનવા માટે નહીં પરંતુ ડિરેક્ટર બનવા આવ્યો હતો. પરંતુ નસીબે તેને બોલિવૂડનો એક્શન હીરો બનાવી દીધો.જોકે, તે ડાયરેક્ટર બનવામાં પોતાની રુચિ ધરાવે છે.દિગ્દર્શક તરીકે તેમની ફિલ્મ શિવાય પહેલી ફિલ્મ હતી અને અજય દેવગણ તેની બીજી ફિલ્મ રનવે 34નું નિર્દેશન કરવા જઈ રહ્યો છે.
બધા જાણે છે કે અજય દેવગણે ‘ફૂલ ઔર કાંટે’થી બોલિવૂડમાં ડેબ્યૂ કર્યું હતું.પરંતુ બહુ ઓછા લોકો જાણે છે કે,આ પહેલા અજય દેવગણ પણ બાળ કલાકાર તરીકે ફિલ્મી પડદે એન્ટ્રી કરી ચૂક્યો છે.અજય દેવગણે મિથુન ચક્રવર્તીની ફિલ્મ ‘મેરી પ્યારી બેહના’માં મિથુનનું બાળપણનું પાત્ર ભજવ્યું હતું.
અજય દેવગણે વર્ષ 1998માં મહેશ ભટ્ટ સાથે ફિલ્મ ‘ઝખ્મ’ કરી હતી. એક ગેરકાયદેસરની આ વાર્તાએ લોકોને હચમચાવી દીધા.ફિલ્મમાં અજયના અભિનયની ખૂબ પ્રશંસા કરવામાં આવી હતી.આ ફિલ્મ માટે અજયને સર્વશ્રેષ્ઠ અભિનેતાનો રાષ્ટ્રીય પુરસ્કાર પણ મળ્યો હતો.
અજયને તેની ફિલ્મી કરિયરમાં અત્યાર સુધી 32 એવોર્ડ મળ્યા છે. જેમાં 2 નેશનલ એવોર્ડ્સ અને 3 ફિલ્મફેર એવોર્ડ્સ સામેલ છે. ‘ઝખ્મ’ સિવાય અજયને ‘ધ લિજેન્ડ ઑફ ભગત સિંહ’ માટે સર્વશ્રેષ્ઠ અભિનેતાનો રાષ્ટ્રીય પુરસ્કાર મળ્યો હતો.અજયને ફિલ્મોમાં તેમના યોગદાન માટે પદ્મશ્રીથી પણ નવાજવામાં આવ્યો છે.