નવી દિલ્હીઃ દેશની રાજધાની દિલ્હીની કેજરિવાલ સરકારે કેબિનેટમાં ફેરબદલ કરીને આતિશીને નાણા અને મહેસુલ વિભાગની જવાબદારી સોંપી છે. પૂર્વ ડેપ્યુટી સીએમ મનીષ સિસોદિયાના જેલમાં ગયા બાદ કૈલાશ ગેહલોતને નાણા મંત્રાલયની જવાબદારી સોંપવામાં આવી હતી. પરંતુ હવે નાણા અને મહેસૂલ વિભાગની જવાબદારી પણ આતિશીને સોંપવામાં આવી છે. કેબિનેટમાં ફેરબદલ સંબંધિત ફાઇલ એલજી વિનય સક્સેનાને મોકલવામાં આવી હતી, જેને તેમણે મંજૂર કરી દીધી છે.
દિલ્હીના મુખ્યમંત્રી અરવિંદ કેજરીવાલે આતિશીને નાણા અને મહેસૂલ વિભાગની જવાબદારી સોંપી છે. પૂર્વ ડેપ્યુટી સીએમ મનીષ સિસોદિયાના જેલમાં ગયા બાદ કૈલાશ ગેહલોતને નાણા મંત્રાલયની જવાબદારી સોંપવામાં આવી હતી. પરંતુ હવે નાણા અને મહેસૂલ વિભાગની જવાબદારી પણ આતિશીને સોંપવામાં આવી છે. કેબિનેટમાં ફેરબદલ સંબંધિત ફાઇલ એલજી વિનય સક્સેનાને મોકલવામાં આવી હતી, જેને તેમણે મંજૂર કરી દીધી છે.
સુત્રોના જણાવ્યા અનુસાર, લેફ્ટનન્ટ ગવર્નર વીકે સક્સેનાએ સીએમ અરવિંદ કેજરીવાલ સાથે ચર્ચા કર્યા બાદ કેબિનેટ મંત્રી આતિશીને જનસંપર્ક વિભાગની જવાબદારી સોંપી હતી. સામાન્ય વહીવટ વિભાગ દ્વારા આ સંદર્ભે એક જાહેરનામું બહાર પાડવામાં આવ્યું છે. આતિશીએ ઝડપથી આમ આદમી પાર્ટીમાં પોતાની ઓળખ બનાવી લીધી છે. આમ આદમી પાર્ટી તેના આઠ વર્ષના કાર્યકાળમાં સૌથી વધુ વખત ગણાતી સિદ્ધિઓમાં શિક્ષણનું ક્ષેત્ર ટોચ પર છે અને આ માટે ઘણો શ્રેય આતિશીને જાય છે. 2013ની વિધાનસભા ચૂંટણીમાં તેમણે પાર્ટીનો મેનિફેસ્ટો તૈયાર કરવામાં મહત્વની ભૂમિકા ભજવી હતી. 2014ની લોકસભા ચૂંટણી પહેલા તેમને પ્રવક્તા બનાવવામાં આવ્યા હતા.
વર્ષ 2019માં તેઓ પૂર્વ દિલ્હી લોકસભા બેઠક પરથી ચૂંટણી લડ્યા હતા. 2020માં તેઓ કાલકાજી વિધાનસભાથી ચૂંટણી જીત્યા હતા. આતિશી શરૂઆતથી જ દિલ્હીની શિક્ષણ ક્રાંતિનો એક મહત્વપૂર્ણ ચહેરો છે. આતિશી મનીષ સિસોદિયાની સલાહકાર રહી છે અને તેણે દરેક વ્યૂહરચના બનાવી છે.
