નવી દિલ્હીઃ સીઆઈડીએ પશ્ચિમ બંગાળના માલદા જિલ્લાના ગજોલમાં એક માછીમારના ઘરે દરોડા પાડ્યા હતા, જ્યાંથી અંદાજે રૂ. 1.4 કરોડ લાખ મળી આવ્યા હતા. સૂત્રો પાસેથી મળેલી માહિતીના આધારે CIDની ટીમે આ કાર્યવાહી કરી હતી. પૈસા ગણવા માટે બેંકમાંથી મશીન મંગાવવું પડ્યું. માછીમારની ઓળખ જયપ્રકાશ સાહા તરીકે થઈ છે.
સૂત્રોના જણાવ્યા અનુસાર, ધાકશોલ વિસ્તારમાં સ્થિત તેના ઘરને પોલીસે ઘેરી લીધું હતું. અત્યાર સુધીમાં રિકવર કરાયેલી કુલ રકમ એક કરોડ 39 લાખ 3000 રૂપિયા છે. તેમાં 500 અને 2000 રૂપિયાની નોટો છે.
માછલીના વેપારી પાસે આટલી મોટી રકમ ક્યાંથી આવી અને તેણે શા માટે પોતાના ઘરમાં રાખી હતી તે અંગે સીઆઈડીએ શોધખોળ શરૂ કરી છે. CID અનેક એંગલથી તેની તપાસ કરી રહી છે.
સીઆઈડી તપાસ કરી રહી છે કે, શું સાહા ડ્રગની દાણચોરીમાં સામેલ છે કે કેમ કે આ વિસ્તાર ભારત-બાંગ્લાદેશ આંતરરાષ્ટ્રીય સરહદની નજીક છે.
