- ઈઝરાયેલ અને હમાસ વચ્ચે ચાલી રહેલા યુદ્ધનો 25મો દિવસ
- ઈઝરાયેલની સેનાએ સુરંગોને નિશાન બનાવવાનું શરૂ કરી દીધું
- સીઝફાયર હમાસની સામે સરેન્ડર કરવા જેવું: ઇઝરાયેલના પીએમ
દિલ્હી: ઈઝરાયેલ અને હમાસ વચ્ચે ચાલી રહેલા યુદ્ધના 25માં દિવસે ઈઝરાયેલની સેનાએ સુરંગોને નિશાન બનાવવાનું શરૂ કરી દીધું છે. એક તરફ ઇઝરાયેલની સેના ગાઝામાં ઘૂસીને હમાસ પર હુમલો કરી રહી છે, તો બીજી તરફ તે લેબનાન આતંકવાદી સંગઠન હિઝબુલ્લાહ પર પણ ઝડપી હવાઈ હુમલા કરી રહી છે. આ બધાની વચ્ચે ઈઝરાયેલના વડાપ્રધાન બેન્જામિન નેતન્યાહુએ બેફામ કહી દીધું છે કે હમાસ વિરુદ્ધ યુદ્ધમાં કોઈ યુદ્ધવિરામ નહીં થાય.
PM નેતન્યાહુએ તેમની કેબિનેટ બેઠક બાદ વિદેશી મીડિયાને સંબોધિત કર્યું. આ દરમિયાન તેમણે 7 ઓક્ટોબરના હુમલાના જવાબમાં હમાસ વિરુદ્ધ ઇઝરાયેલની સેનાની અત્યાર સુધીની કાર્યવાહી વિશે વિગતવાર જણાવ્યું અને વિશ્વભરના દેશોને આ યુદ્ધમાં સાથે રહેવા આહ્વાન કર્યું.
નેતન્યાહુએ પ્રેસ બ્રીફિંગમાં કહ્યું કે યુદ્ધવિરામનો અર્થ હમાસને શરણાગતિ થશે. હમાસે ઈઝરાયેલમાં ઘૂસીને 1,400 લોકોની હત્યા કરી હતી અને 230થી વધુ લોકોને બંધક બનાવ્યા હતા.યુદ્ધવિરામની હાકલ એ ઇઝરાયલને હમાસને આત્મસમર્પણ કરવા, આતંકવાદને શરણાગતિ આપવાનું આહ્વાન છે. આવું નહીં થાય.
બીજી તરફ ઈઝરાયેલની સેના દ્વારા કહેવામાં આવ્યું છે કે હમાસ દ્વારા કરવામાં આવેલા ઓપરેશન બાદ મહિલા સૈનિકને કેદમાંથી મુક્ત કરવામાં આવી છે. સેનાએ જણાવ્યું હતું કે, “ઓરી મેગીડીશને ગ્રાઉન્ડ ઓપરેશન દરમિયાન મુક્ત કરવામાં આવ્યો હતો. તેની તબીબી તપાસ કરવામાં આવી છે અને તે સ્વસ્થ થઈ રહ્યો છે,”
