ચીનની ચાલાકી થઈ શકે છે બંધ, G-7 દેશોની 40 ટ્રિલિયન ડોલરનાં ઇન્ફ્રા પ્રોજેક્ટની તૈયારી

• ચીનની ચાલાકીને મળશે જવાબ
• G-7 દેશોની ખાસ તૈયારી
• 40 ટ્રિલિયન ડોલરના ઈન્ફ્રાપ્રોજેક્ટની તૈયારી

નવી દિલ્લી: ચીન દ્વારા જે રીતે અન્ય દેશોમાં ધરખમ રોકાણ કરવામાં આવે છે અને અન્ય દેશોને પોતાના દેવા હેઠળ દબાવવામાં આવે છે, તે હવે જલ્દી બંધ થઈ શકે તેમ છે. G-7 દેશોએ ચીનની જોખમી રીતે વધતી તાકાતને ધ્યાનમાં રાખીને ખાસ પ્રકારનો પ્લાન તૈયાર કર્યો છે અને તેમાં G-7 દેશો આગામી સમયમાં 40 ટ્રિલિયન ડોલરનું રોકાણ ઈન્ફ્રાસ્ટ્રક્ચર સેક્ટરમાં કરી શકે છે.

આ G-7 દેશોએ એક મોટા ઇન્ફ્રાસ્ટ્રક્ચર પ્લાન દ્વારા ચીનના બેલ્ટ એન્ડ રોડ ઇનિશિટિવની સામનો કરવાનો ઇરાદો વ્યક્ત કર્યો છે.. G-7નાં આ પ્લાન દ્વારા વિકાસશીલ દેશોને પણ મદદ થશે, પરંતુ ચીનના રાષ્ટ્રપતિ શી જિનપિંગના સ્વપ્ન પ્રોજેક્ટને મોટો ફટકો પણ પડશે. BRI થકી, ચીન વિકાસના સપનાઓ બતાવીને ગરીબ અને નાના દેશોને લોનની જાળમાં ફસાવવાનાં પ્રયાસ કરી રહ્યું છે.

જાણકારી અનુસાર જી-7 દેશોએ અન્ય રીતે પણ ચીનને ઘેરવાનો પ્રયાસ કર્યો છે. એક અધિકારી દ્વારા જણાવવામાં આવ્યું કે શનિવારે જી -7 શિખર સંમેલનમાં યુ.એસ. બંધુઆ મજૂર પ્રથા ઉપર ચીનનો બહિષ્કાર કરવા લોકશાહી દેશો પર દબાણ લાવવાની યોજના તૈયાર કરી છે. વિકાસશીલ દેશોમાં બેઇજિંગના પ્રયત્નો સાથે સ્પર્ધા કરવા માટે એક ઇન્ફ્રાસ્ટ્રક્ચર યોજના પણ શરૂ કરશે. બાયડેન અને જી -7 નેતાઓ ઉઇગર મુસ્લિમો અને અન્ય વંશીય લઘુમતીઓના મજબૂર મજૂર સામે અવાજ ઉઠાવવા માંગે છે.

જી -7 કેનેડા, ફ્રાંસ, જર્મની, ઇટાલી, જાપાન, બ્રિટન અને અમેરિકાનું જૂથ છે. બિડેન વહીવટીતંત્રના એક વરિષ્ઠ અધિકારીએ વ્હાઇટને કહ્યું કે, “તે ફક્ત ચીનનો પ્રતિકાર કરવા અથવા તેને રોકવા માટે નથી, પરંતુ આપણે હજી સુધી એવા સકારાત્મક વિકલ્પ આપ્યા નથી જે આપણા મૂલ્યો અને વ્યવસાયના ધોરણોને પ્રતિબિંબિત કરે છે.” વ્હાઇટ હાઉસએ કહ્યું કે, G 7 અને તેના સહયોગી દેશો પર્યાવરણ, આરોગ્ય, ડિજિટલ ટેકનોલોજી અને લિંગ સમાનતા જેવા ક્ષેત્રોમાં ખાનગી રોકાણ આકર્ષિત કરવા આ પહેલનો ઉપયોગ કરશે.