ભારત અને સિંગાપોર નૌસેના વચ્ચે દક્ષિણ ચીન સાગરના દક્ષિણ ભાગમાં એક સપ્તાહ લાંબી દ્વિપક્ષીય કવાયત SIMBEX નો આરંભ
દિલ્હીઃ દેશની ત્રણયે સેનાઓ વઘુને વઘુ મજબૂત બનાવાની દીશામાં કાર્ય કરી રહી છે ત્યારે જો ભારતની નૌસેનાની વાત કરીએ તો તાજેતરમાં તે ખૂબ જ મજબૂત બની છે ત્યારે હવે ભારતીય નૌ સેના અને સીંગાપોરની નૌસેના વચ્ચે લશ્કરી કવાયતનો આરંભ થયો છે.
કવાયતના ભૂમિ તબક્કામાં ટેબલ ટોપ કસરતો અને આયોજન ચર્ચાઓનો સમાવેશ થશે. દરિયાઈ તબક્કામાં, નૌકાદળ એન્ટી-સબમરીન યુદ્ધ અને જીવંત હથિયાર ફાયરિંગ સહિત વિવિધ નૌકા કવાયતમાં સામેલ થશે.
SIMBEX 2023 માં કિનારાનો તબક્કો છે, જે સિંગાપોર ચાંગી નેવલ બેઝ ખાતે યોજાશે અને દક્ષિણ ચીન સમુદ્રમાં દરિયાઈ તબક્કો 25 સપ્ટેમ્બર સુધીનો સમાવેશ થાય છે. કિનારાના તબક્કામાં, બંને નૌકાદળના ખલાસીઓ સંયુક્ત આયોજન, વ્યવસાયિક વિનિમય અને રમતગમતની પ્રવૃત્તિઓમાં ભાગ લેશે. બંને નૌકાદળ સબમરીન રેસ્ક્યુ જોઈન્ટ સ્ટાન્ડર્ડ ઓપરેટિંગ પ્રોસિજર દસ્તાવેજ પર પણ હસ્તાક્ષર કરશે.
આ દ્વિપક્ષીય કવાયતના ઉદ્ઘાટન સમારોહમાં RSN ફ્લીટ કમાન્ડર કર્નલ કવાન હોન ચુંગ અને વાઈસ એડમિરલ રાજેશ પેંઢારકર, ફ્લેગ ઓફિસર કમાન્ડિંગ-ઈન-ચીફ, ભારતની પૂર્વ નૌકા કમાન્ડે હાજરી આપી હતી. આ સહીત કવાયતની 30મી આવૃત્તિના સ્મારક લોગોનું પણ અનાવરણ પણ કર્યું હતું.
પ્રાપ્ત માહિતી પ્રમાણે ભારત અને સિંગાપોરની નૌકાદળોએ દક્ષિણ ચીન સાગરના દક્ષિણ ભાગમાં એક સપ્તાહ લાંબી દ્વિપક્ષીય દરિયાઈ કવાયત SIMBEX શરૂ કરી દીઘી છે. આ માટે બંને દેશોએ એક-એક સબમરીન તૈનાત કરી છે.
આ સહીત મળતી માહિતી પ્રમાણે ભારતીય નૌકાદળ તરફથી, રાજપૂત-વર્ગના વિનાશક INS રણવિજય, કામોર્ટા-ક્લાસ કોર્વેટ INS કાવારત્તી અને P-81 મેરીટાઇમ પેટ્રોલ એરક્રાફ્ટે ગુરુવારથી શરૂ થયેલી કવાયતમાં ભાગ લીધો છે. સિંગાપોર તરફ, આ કવાયતમાં RSS સ્ટૉલવર્ટ અને RSS Tenacious સામેલ છે.
