- એલપીજી સિલિન્ડરમાં રાહત
- એલપીજી સિલિન્ડર થયો સસ્તો
- 36 રૂપિયાનો થયો ઘટાડો
દિલ્હી:એલપીજી સિલિન્ડરના નવા દર આવી ગયા છે.પહેલી ઓગસ્ટના રોજ એલપીજી સિલિન્ડરની કિંમતમાં ઘટાડો કરવામાં આવ્યો છે.આજે ગેસ સિલિન્ડરના ભાવમાં 36 રૂપિયાનો ઘટાડો કરવામાં આવ્યો છે.આ કિંમતો દિલ્હી, મુંબઈથી ચેન્નાઈ અને દેશના અન્ય તમામ શહેરોમાં લાગુ થઇ છે.
કોમર્શિયલ સિલિન્ડરો પર એલપીજી સિલિન્ડરમાં રાહત આપવામાં આવી છે.ઈન્ડિયન ઓઈલ દ્વારા જાહેર કરાયેલા નવા દર મુજબ હવે દિલ્હીમાં 19 કિલોનો કોમર્શિયલ એલપીજી સિલિન્ડર 1976.50 રૂપિયામાં મળશે.અગાઉ સિલિન્ડરની કિંમત 2012.50 રૂપિયા હતી.ભાવમાં છેલ્લો ઘટાડો 6 જુલાઈએ કરવામાં આવ્યો હતો.ત્યારબાદ કોમર્શિયલ સિલિન્ડરની કિંમત 2021 રૂપિયાથી ઘટાડીને 2012 રૂપિયા કરવામાં આવી હતી.
ઘરેલુ એલપીજી સિલિન્ડરની વાત કરીએ તો હાલમાં દિલ્હીમાં ઘરેલુ એલપીજી સિલિન્ડરની કિંમત 1053 રૂપિયા છે.અગાઉ 19 મેના રોજ આ કિંમતોમાં ફેરફાર કરવામાં આવ્યો હતો, ત્યારબાદ કિંમતો 1003 રૂપિયાથી વધારીને 1053 રૂપિયા કરવામાં આવી હતી.હાલમાં, કોલકાતામાં સ્થાનિક એલપીજીની કિંમત રૂ.1079, મુંબઈમાં રૂ.1052 અને ચેન્નાઈમાં રૂ.1068.50 છે.
છેલ્લા એક વર્ષમાં જ દિલ્હીમાં ઘરેલું ગેસ સિલિન્ડર લગભગ 219 રૂપિયા મોંઘું થઈ ગયું છે. એક વર્ષ પહેલા તેની કિંમત 834.50 રૂપિયા હતી જે હવે વધીને 1053 રૂપિયા થઈ ગઈ છે. અગાઉ 19 મેના રોજ 14.2 કિલોના ઘરેલુ એલપીજી સિલિન્ડરના દરમાં વધારો કરવામાં આવ્યો હતો. ત્યારે તેના ભાવમાં ચાર રૂપિયાનો વધારો થયો હતો.આ પહેલા 22 માર્ચે પણ ઘરેલુ એલપીજી સિલિન્ડરના ભાવમાં 50 રૂપિયાનો વધારો થયો હતો.