ભારત અને ઓમાન વચ્ચે ઇન્ફોર્મેશન ટેકનોલોજીનાં ક્ષેત્રમાં સહકાર સ્થાપિત કરાશે

પ્રધાનમંત્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળને 15 વર્ષનાં રોજ હસ્તાક્ષર થયેલા સમજૂતીકરાર (એમઓયુ)ની જાણકારી આપવામાં આવી હતી. પ્રજાસત્તાક ભારતનાં ઇલેક્ટ્રોનિક્સ અને ઇન્ફોર્મેશન ટેકનોલોજી મંત્રાલય અને ઓમાનની સલ્તનતનાં પરિવહન, સંચાર અને ઇન્ફોર્મેશન ટેકનોલોજી મંત્રાલય વચ્ચે ઇન્ફોર્મેશન ટેકનોલોજીનાં ક્ષેત્રમાં સહકાર સ્થાપિત કરવા પર વાત કરવામાં આવી હતી.

એમઓયુનો આશય ઇન્ફોર્મેશન ટેકનોલોજીનાં ક્ષેત્રમાં પારસ્પરિક સમર્થન, ટેકનોલોજીની વહેંચણી, ઇન્ફોર્મેશન અને રોકાણ મારફતે બંને પક્ષો વચ્ચે વિસ્તૃત સહકારને પ્રોત્સાહન આપવાનો છે. આ એમઓયુ બંને પક્ષોનાં હસ્તાક્ષરની તારીખથી અમલમાં આવશે અને 3 વર્ષ માટે અમલમાં રહેશે. ઇન્ફોર્મેશન ટેકનોલોજીનાં ક્ષેત્રમાં જી2જી અને બી2બી બંને દેશો વચ્ચે દ્વિપક્ષીય સહકાર વધારવામાં આવશે. એમઓયુમાં સહયોગમાં સુધારો કરવાની કલ્પના કરવામાં આવી છે, જે આઇટી ક્ષેત્રમાં રોજગારીની તકો તરફ દોરી જશે.

સહયોગના દ્વિપક્ષીય અને પ્રાદેશિક માળખા હેઠળ ઇન્ફોર્મેશન એન્ડ કમ્યુનિકેશન ટેકનોલોજી (આઇસીટી)ના ઉભરતા અને અગ્રણી ક્ષેત્રોમાં આંતરરાષ્ટ્રીય સહકારને પ્રોત્સાહન આપવા માટે એમઇઆઇટીવાયની રચના કરવામાં આવી છે. એમઇઆઇટીવાય આઇસીટી ડોમેનમાં દ્વિપક્ષીય અને બહુપક્ષીય સહકારને પ્રોત્સાહન આપવા માટે સંખ્યાબંધ દેશો અને બહુપક્ષીય એજન્સીઓ સાથે સહયોગ કરી રહી છે.

આ સમયગાળા દરમિયાન એમઈઆઈટીવાયએ આઇસીટી ક્ષેત્રમાં માહિતીના આદાન-પ્રદાન અને સહકારને પ્રોત્સાહન આપવા માટે વિવિધ દેશોની તેની સમકક્ષ સંસ્થાઓ/એજન્સીઓ સાથે સમજૂતી કરારો/સંધિઓ કરી છે. આ બાબત ભારત સરકાર દ્વારા ડિજિટલ ઇન્ડિયા, સ્વચ્છ ભારત, મેક ઇન ઇન્ડિયા વગેરે જેવી વિવિધ પહેલો સાથે સુસંગત છે, જેનો ઉદ્દેશ દેશને ડિજિટલ સ્વરૂપે સશક્ત સમાજ અને નોલેજ ઇકોનોમીમાં પરિવર્તિત કરવાનો છે. આ બદલાતા દાખલામાં, પારસ્પરિક સહકારને વધારવાના ઉદ્દેશ સાથે વેપારની તકો ચકાસવા, શ્રેષ્ઠ પદ્ધતિઓની વહેંચણી અને ડિજિટલ ક્ષેત્રમાં રોકાણને આકર્ષિત કરવાની તાતી જરૂર છે.