- કોરોનાના દૈનિક કેસોમાં આજે વધારો
- છેલ્લા 24 કલાકમાં 1150 નવા કેસ
- હવે 11 હજારથી વધુ એક્ટિવ કેસ
દિલ્હી:દેશભરમાં છેલ્લા 24 કલાકમાં કોરોના વાયરસના કુલ 1150 નવા કેસ નોંધાયા છે.ગઈકાલની સરખામણીમાં દેશમાં કોવિડના નવા કેસોમાં ઉછાળો આવ્યો છે. ગઈકાલે એટલે કે શનિવારે દેશભરમાં કુલ 975 નવા કેસ નોંધાયા હતા, જે આજે વધીને 1150 થઈ ગયા છે.આ સાથે દેશમાં અત્યાર સુધીમાં કોવિડ સંક્રમિતોની કુલ સંખ્યા વધીને 4 કરોડ 30 લાખ, 42 હજાર 97 થઈ ગઈ છે.શુક્રવારે કુલ 949 નવા કેસ નોંધાયા હતા.
કેન્દ્રીય સ્વાસ્થ્ય મંત્રાલયના ડેટા અનુસાર, છેલ્લા 24 કલાકમાં દેશભરમાં કોવિડના કારણે કુલ 4 લોકોના મોત પણ થયા છે.દેશમાં કોવિડના કારણે અત્યાર સુધીમાં કુલ 5 લાખ 21 હજાર 751 લોકોના મોત થયા છે. હાલમાં, દેશભરમાં એક્ટિવ કેસોની કુલ સંખ્યા 11,558 નોંધાઈ છે. એક્ટિવ કેસ કુલ ચેપના 0.03 ટકા છે.
હાલમાં દેશમાં રિકવરી રેટ ઘટીને 98.76 ટકા પર આવી ગયો છે.જોકે, છેલ્લા 24 કલાકમાં દેશભરમાં કુલ 954 દર્દીઓ સાજા થયા છે, જે નવા દર્દીઓની સંખ્યા કરતા ઓછા છે. દેશભરમાં અત્યાર સુધીમાં કુલ 4 કરોડ, 25 લાખ, 8 હજાર, 788 લોકોએ આ મહામારીને માત આપી છે.
દેશમાં દૈનિક હકારાત્મકતા દર 0.31 ટકા અને સાપ્તાહિક હકારાત્મકતા દર 0.27 ટકા નોંધવામાં આવ્યો છે.દેશમાં અત્યાર સુધીમાં કુલ 83.18 કરોડ સેમ્પલનું પરીક્ષણ કરવામાં આવ્યું છે. છેલ્લા 24 કલાકમાં 3,65,118 સેમ્પલનું પરીક્ષણ કરવામાં આવ્યું છે.મંત્રાલયના જણાવ્યા અનુસાર, રાષ્ટ્રીય રસીકરણ અભિયાન હેઠળ દેશભરમાં અત્યાર સુધીમાં કુલ 186.51 કરોડ રસીના ડોઝ લોકોને આપવામાં આવ્યા છે.