જીરુંના છે અનેક જાદુઈ ફાયદા, માત્ર રસોઈ માટે નહીં પરંતુ સ્વાસ્થ્ય માટે પણ છે ફાયદાકારક
- જીરાનું સેવન અનેક મોટી સમસ્યાથી આપે છે રાહત
- અલગ અલગ રીતે જીરાનો કરો ઉપયોગ
- ડાયાબિટિઝ, બ્લડપ્રેશર જેવી સમસ્યામાંથી મળશે રાહત
ઘરના રસોડામાં જો આમ જોવા જઈએ તો તમામ વસ્તુઓ કામની છે અને ફાયદાકારક જ છે. દરેક ખાવા પીવાની વસ્તુના અલગ અલગ ફાયદા છે અને તેના ઉપયોગ પણ અલગ છે. પણ જો વાત કરવામાં આવે જીરુંની તો તે પણ રસોઈને તો સારી બનાવે જ છે પરંતુ સ્વાસ્થ્ય માટે પણ અનેક રીતે ફાયદાકારક છે.
જો જીરું સ્વાસ્થ્ય માટે કઈ રીતે ઉપયોગી છે તેના વિશે વાત કરવામાં આવે તો જીરું એન્ટી-ઇન્ફ્લેમેટરી, એન્ટીઓક્સીડેન્ટથી ભરપૂર છે. જીરું એન્ટીબેક્ટેરિયલ અને એન્ટિસેપ્ટિક તરીકે પણ ઓળખાય છે. તે તમારા પેટની સમસ્યાઓનું સમાધાન કરી શકે છે. પાચક શક્તિને મજબૂત કરે છે. ઉબકા દૂર કરે છે, અને પેટનું ફૂલવું અને કબજિયાતથી પણ છુટકારો અપાવે છે.
જીરાની સ્વાસ્થ્ય પર થતી સકારાત્મક અસરને લઈને સાઉથ ઈન્ડિયામાં રહેતા ન્યુટ્રિશનિસ્ટ જણાવે છે કે જીરું આરોગ્ય અને વજન ઘટાડવાની બાબતમાં તમારા માટે ગેમ ચેન્જર સાબિત થઈ શકે છે. જીરાના પાણીના ફાયદાથી તે અત્યાર સુધીમાં જાણીતા આરોગ્યપ્રદ પીણાંમાંનું એક બને છે.
જીરાનું પાણી – જો જીરાનું પાણી બનાવવું હોય તો ફક્ત થોડાં દાણાને પાણીમાં નાખીને ઉકાળો, પછી તેને ઠંડુ થવા દો અને વહેલી સવારે તેને ખાલી પેટે પીવા દો. જીરાનાં પાણીને હિન્દીમાં ‘જલજીરા’ તરીકે પણ ઓળખવામાં આવે છે. જીરું પાણી વિવિધ સ્વાસ્થ્ય સમસ્યાઓના કુદરતી ઉપાય તરીકે ઉપયોગમાં લઈ શકાય છે.
જીરા પાણી એસિડિટી અને ફૂલેલા પેટથી છુટકારો મેળવવામાં મદદ કરે છે. અને અપચોથી રાહત આપે છે. તે પેઇનકિલરનું કામ કરે છે અને પેટના દુખાવાના ઉપચાર કરવા માટે ખાસ ફાયદાકારક છે. જીરું પાણી સામાન્ય રીતે પાચક ઉત્સેચકોના સ્ત્રાવને ઉત્તેજીત કરે છે અને પાચનની પ્રક્રિયાને વેગ આપે છે, આમ આંતરડાની સમસ્યાઓ સામે લડવામાં તમને મદદ કરે છે.
જીરાએ આયર્ન અને આહાર ફાઇબરનો ઉત્તમ સ્રોત છે. તમારી રોગપ્રતિકારક શક્તિની સામાન્ય કાર્યક્ષમતા જાળવવા જીરા પાણી પીવું જરૂરી છે. તે રોગો સામે લડે છે અને તમારી બીમાર થવાની સંભાવના ઘટાડે છે. ડાયાબિટીઝથી પીડાતા દર્દીઓ માટે જીરા પાણી સારું છે. લોહીમાં શર્કરાના સ્તરને ઘટાડવા માટે તમે તેને ખાલી પેટ પી શકો છો.
જીરું એ કુદરતી એનર્જી બુસ્ટર છે તે વિવિધ પોષક તત્વોથી ભરેલું હોય છે, જે શરીરને દિવસ દરમિયાન સુપર એનર્જીથી ભરપૂર રાખવામાં મદદ કરે છે. જો તમારી પાસે સુસ્ત મેટાબોલિક રેટ છે, તો જીરા પાણી પીવો. તે તમારા એનર્જી સ્તરમાં સુધારો કરે છે.
જો કે કોઈ પણ પ્રકારનું સેવન વધારે પ્રમાણમાં થાય તો પણ તે નુકસાન કરી શકે છે અને તેના માટે આગળ વધતા પહેલા જાણકાર તથા ડોક્ટરની સલાહ લેવી પણ જરૂરી છે.
