સુપ્રસિદ્ધ સોમનાથ દાદાના મંદિરમાં શરદપૂર્ણિમાએ ચંદ્રગ્રહણને લીધે દર્શનના સમયમાં કરાયો ફેરફાર

અમદાવાદઃ સુપ્રસિદ્ધ યાત્રાધામ સોમનાથના મહાદેવજીના મંદિરમાં તા.28મી ઓક્ટોબરને શનિવારે  શરદપૂર્ણિમાના દિને ચંદ્રગ્રહણની લીધે મંદિરના દર્શનના સમયમાં ફેરફાર કરવામાં આવ્યો છે. અને શરદપૂર્ણિમાંના દિને ગ્રહણના  વેધ સ્પર્શથી મોક્ષ સુધી નિયમિત થતી પૂજાઓ, આરતી સહિતનો ઉપક્રમ સ્થગિત રહેશે

બાર જ્યોતિર્લિંગમાં પ્રથમ ગણાતા સોમનાથ મહાદેવજીના મંદિરમાં તા. 28મી ઓક્ટોબરને શનિવારે શરદપૂર્ણિમાના દિને  ચંદ્રગ્રહણને લીધે  સોમનાથ મંદિર તેમજ  ટ્રસ્ટ  હસ્તકના તમામ મંદિરોમાં  ગ્રહણના  વેધ સ્પર્શ થી મોક્ષ સુધી નિયમિત થતી પૂજાઓ, આરતી સહિતનો ઉપક્રમ સ્થગિત રહેશે.તા.28 ઓકટોબરનું ચંદ્રગ્રહણ પ્રભાસ ક્ષેત્રને સ્પર્ષતુ હોવાથી પાળવું શાસ્ત્રોક્ત રીતે આવશ્યક હોય,  સોમનાથના સ્થાનિક  સમય પ્રમાણે  નિચે મુજબ સમયે ગ્રહણનો વેધ-સ્પર્ષ-મધ્ય-મોક્ષ વિગેરે થાય છે.

ચંદ્રગ્રહણને અનુલક્ષીને તા.28/10/2023 ટ્રસ્ટના સોમનાથ મંદિર સહિતના મંદિરોમાં મધ્યાહ્ન આરતી પછી દરેક પુજા ક્રમ બંધ રહેશે. સાથે જ સાયં આરતી, ગંગાજળ અભિષેક, બિલ્વપૂજા, ધ્વજાપૂજા, સોમેશ્વર મહાપૂજન, યજ્ઞો સહિતની તમામ પૂજાઓ બંધ રહેશે. સોમનાથ મંદિર પરીસરમાં દરમાસની પુર્ણિમાંએ યોજાતા સુંદરકાંડપાઠ નિયત સમયે સાંજે 5-30 વાગ્યે પ્રારંભ થશે. તા.29/10/2023ના રોજ  તમામ મંદિરો તેના નિયત સમયે ખુલશે. ગ્રહણ મોક્ષ તા.29 ઓકટોબરના મધ્યરાત્રીએ થતો હોવાથી  પ્રાતઃ મહાપૂજન સવારે 6:10 કલાકે, પ્રાત:આરતી સવારે 7:00 કલાકે નિયત સમય અનુસાર કરવામાં આવશે. ચંદ્ર ગ્રહણના રોજ શ્રી સોમનાથ મંદિર દર્શનનો સમય પ્રાતઃ 6-00 થી રાત્રીના 10 વાગ્યા સુધીનો રહેશે.  ગ્રહણ નો પુણ્યકાળ ગ્રહણ સ્પર્શ થી ગ્રહણ મોક્ષ સુધી રહેશે.

સોમનાથ ટ્રસ્ટની યાદીમાં જણાવ્યા પ્રમાણે તારીખ-28 તથા 29 /10/2023 ના ગ્રહણની વિગતઃ વેધ પ્રારંભ                                    બપોરે 1:42:44 (કલાક:મીનીટ:સેકન્ડ), ગ્રહણ સ્પર્શ  રાત્રે 10:43:28 (કલાક:મીનીટ:સેકન્ડ), ગ્રહણ મધ્ય                                   મધ્યરાત્રીના  12:57:00  (કલાક:મીનીટ:સેકન્ડ), ગ્રહણ મોક્ષ  મધ્યરાત્રીના 03:08:03 (કલાક:મીનીટ:સેકન્ડ) સુધી રહેશે