ઈન્સ્ટાગ્રામમાં ફિચર્સ બદલાતા હવે ડેટા મેનેજ કરવું સરળ બન્યું

• ઈન્સ્ટાગ્રામ થયા અનેક બદલાવ
• લોકોને આવી રહ્યા છે પસંદ
• હવે ઈન્સ્ટાગ્રામમાં ડેટા મેનેજ કરવું સરળ

મુંબઈ: ઈન્સ્ટાગ્રામમાં આમ તો અનેક પ્રકારના બદલાવ કંપની દ્વારા કરવામાં આવતા હોય છે. ઈન્સ્ટાગ્રામમાં હવે જે કંપની દ્વારા અત્યારે જે બદલાવ કરવામાં આવ્યા છે તે યુઝર્સને ખુબ પસંદ આવી રહ્યા છે. જાણકારી અનુસાર ઈન્સ્ટાગ્રામમાં બલ્કમાં પોસ્ટ અને કોમેન્ટ રિમૂવ કરી શકાશે. યુઝર્સ તારીખ અનુસાર જૂના ઈંટરેક્શન અને સર્ચ એક્ટિવિટીનું રિવ્યુ કરી શકશે.

ઇન્સ્ટાગ્રામએ તાજેતરમાં ભારતમાં વપરાશકર્તાઓ માટે ટેક અ બ્રેક નામનું ફીચર પણ બહાર પાડ્યું છે. ગત વર્ષ, ઇન્સ્ટાગ્રામએ વપરાશકર્તાઓને પ્લેટફોર્મ પર તેમની પ્રવૃત્તિનું સંચાલન કરવામાં મદદ કરવા માટે “Your Activity” સેક્શન રજૂ કર્યો હતો. આ ફિચર હવે દરેક માટે રોલઆઉટ કરવામાં આવશે.

કંપનીના બ્લોગ મુજબ, “લોકો તારીખ પ્રમાણે તેમનું કંન્ટેન્ટ અને ઈંટરેક્શન સૉર્ટ અને ફિલ્ટર કરી શકશે અને ચોક્કસ તારીખ રેન્જથી જૂની કમેન્ટ્સ, લાઈક્સ અને સ્ટોરીના રિપ્લાય એક જ જગ્યાએ શોધી શકશે.” આ રીતે, વપરાશકર્તાઓ એ પણ જોઈ શકે છે કે તેઓએ તાજેતરમાં કઈ પોસ્ટ્સ કાઢી નાખી છે અથવા આર્કાઇવ કરી છે અને તેઓએ જોયેલી લિંક્સ અને તેઓએ પ્લેટફોર્મ પર કેટલો સમય પસાર કર્યો છે.