ઓનલાઈન દવાના વેચાણ અંગે પોલીસી બનાવવા કેન્દ્ર સરકારને દિલ્હી હાઈકોર્ટનો નિર્દેશ
નવી દિલ્હીઃ દિલ્હી હાઈકોર્ટે કેન્દ્ર સરકારને 8 અઠવાડિયાની અંદર દવાઓના ઓનલાઈન વેચાણ અંગે નીતિ બનાવવાનો નિર્દેશ આપ્યો હતો. એક્ટિંગ ચીફ જસ્ટિસ મનમોહન અને જસ્ટિસ મિની પુષ્કર્ણની ડિવિઝન બેન્ચે કહ્યું કે, આ મામલો પાંચ વર્ષથી કોર્ટમાં પેન્ડિંગ છે. તેથી કેન્દ્ર સરકારને આ મામલે નીતિ લાવવાની છેલ્લી તક આપવામાં આવી રહી છે. કોર્ટે કહ્યું કે, જો આ આદેશનું પાલન નહીં થાય તો કેસ સાથે સંબંધિત સંયુક્ત સચિવે આગામી સુનાવણીની તારીખે કોર્ટમાં વ્યક્તિગત રીતે હાજર રહેવું પડશે. આ અંગે કેન્દ્ર સરકાર વતી હાજર રહેલા એડવોકેટ કીર્તિમાન સિંહે જણાવ્યું હતું કે ઓનલાઈન વેચાણ અંગે 28 ઓગસ્ટ 2018ની સૂચના પર દવાઓ પરામર્શ અને ચર્ચા હજુ પણ ચાલુ છે.
દિલ્હી હાઈકોર્ટે કહ્યું હતું કે, “કોર્ટનું માનવું છે કે પાંચ વર્ષથી વધુ સમય વીતી ગયો હોવાથી, કેન્દ્ર માટે પોલિસી બનાવવા માટે આ પૂરતો સમય છે. પછી કોર્ટ આઠ અઠવાડિયામાં પોલિસી બનાવવા માટે એક છેલ્લી તક આપી રહી છે. જો દવાઓના ઓનલાઈન વેચાણ અંગે કોઈ નીતિ બનાવવામાં નહીં આવે તો સંયુક્ત સચિવે આગામી સુનાવણીમાં વ્યક્તિગત રીતે કોર્ટમાં હાજર રહેવું પડશે.” બાર એન્ડ બ્રાન્ચના જણાવ્યા અનુસાર, ઓનલાઈન દવાઓના ગેરકાયદે વેચાણ પર પ્રતિબંધ મૂકવાની માંગ કરતી અરજીઓની સુનાવણી કરતી વખતે કોર્ટે આ આદેશ આપ્યો હતો. અરજીઓમાં ડ્રગ્સ અને કોસ્મેટિક્સ નિયમમાં વધુ સુધારો કરવા માટે કેન્દ્રીય આરોગ્ય અને પરિવાર કલ્યાણ મંત્રાલય દ્વારા પ્રકાશિત ડ્રાફ્ટને પણ પડકારવામાં આવ્યો છે.
અત્રે ઉલ્લેખનીય છે કે, ડિસેમ્બર 2018માં હાઈકોર્ટે દવાઓના ઓનલાઈન વેચાણ પર પ્રતિબંધ મૂકવાનો આદેશ પસાર કર્યો હતો, કારણ કે ડ્રગ્સ એન્ડ કોસ્મેટિક્સ એક્ટ, 1940 અને ફાર્મસી એક્ટ, 1948 હેઠળ તેને મંજૂરી નથી. એટલું જ નહીં આ મામલે દિલ્હી હાઈકોર્ટમાં અવમાનનાની અરજી પણ દાખલ કરવામાં આવી છે, જેમાં દવાઓનું ઓનલાઈન વેચાણ ચાલુ રાખવા બદલ ઈ-ફાર્મસી વિરુદ્ધ કાર્યવાહી કરવાની માંગ કરવામાં આવી છે. જેમાં કોર્ટના આદેશ છતાં દોષિત ઈ-ફાર્મસી સામે કોઈ પગલાં ન લેવા બદલ કેન્દ્ર સરકાર સામે પગલાં લેવાની પણ માંગ કરવામાં આવી છે.
