અમદાવાદઃ ગુજરાતમાં વર્ષોથી દારૂ બંધી છે. જ્યારે બિહારમાં પણ હાલ દારૂબંધીનો અમલ કરવામાં આવી રહ્યો છે. ત્યારે દેશમાં ભાજપ શાસિત રાજ્યોમાં દારૂ ઉપર સંપૂર્ણપણ પ્રતિબંધ મુકવાની ભાજપના સિનિયર નેતા ઉમા ભારતીએ ભાજપના રાષ્ટ્રીય અધ્યક્ષ જે.પી.નડ્ડાને અપીલ કરી છે.
ભાજપના સિનિયર નેતા ઉભા ભારતીએ ટ્વીટ કર્યું હતું, હમણાં થોડા દિવસો પહેલા જ ઉત્તર પ્રદેશ અને મધ્ય પ્રદેશમાં દારૂ પીવાથી મોટી સંખ્યામાં લોકોના મોત થયા છે. મોટાભાગના મૃત્યુ દારૂ પીને ગાડી ચલાવવાને કારણે થાય છે.
આ મોટા આશ્ચર્યની વાત છે કે દારૂ મૃત્યુનું દૂત છે તો પણ થોડી રાજકીય લાલચ અને દારૂ માફિયાના દબાવને લીધે દારૂંબધી કરવામાં આવી નથી રહી. રાષ્ટ્રીય અધ્યક્ષ જેપી નડ્ડાને અપીલ કરું છું કે જ્યાં પણ ભાજપની સરકાર છે તે રાજ્યોમાં સંપૂર્ણ રીતે દારૂબંધીની તૈયારીઓ કરવામાં આવે. બિહારમાં ભાજપની જીત એ સાબિત કરે છે કે દારૂબંધીને કારણે જ મહિલાઓએ નીતિશ કુમાર તરફી મતદાન કર્યું છે. દારૂબંધી ક્યાંયથી પણ ખોટનો સોદો નથી.
