બોલિવૂડમાં આવા ઘણા સ્ટાર કિડ્સ છે. જેમણે ઉદ્યોગ પર પોતાનો પ્રભાવ સ્થાપિત કર્યો છે. કેટલાક સુપરસ્ટારના સંતાનો એક્ટિંગમાં સફળ મેળવી શક્યા નથી. આ યાદીમાં બોલીવુડના સુપરસ્ટાર અનિલ કપૂરના પુત્ર હર્ષવર્ધનનો સમાવેશ થાય છે. આ અભિનેતાએ પોતાની 9 વર્ષની કારકિર્દીમાં એક પણ હિટ ફિલ્મ આપી નથી. બોલીવુડના એવરગ્રીન અભિનેતા અનિલ કપૂરના પુત્ર હર્ષવર્ધનને ઈન્ડસ્ટ્રીમાં પ્રવેશ કર્યો, પરંતુ પિતા જેવું સ્ટારડમ હાંસલ ન કરી શક્યા.
સોનમ કપૂરના ભાઈ હર્ષવર્ધને વર્ષ 2015માં ઈન્ડસ્ટ્રીમાં એન્ટ્રી કરી હતી. એક્ટિંગમાં આવતા પહેલા તેણે રણબીર કપૂરની ફિલ્મ ‘બોમ્બે વેલ્વેટ’માં આસિસ્ટન્ટ ડિરેક્ટર તરીકે કામ કર્યું હતું. આ પછી હર્ષવર્ધને 2016માં ફિલ્મ ‘મિર્ઝાયા’થી બોલિવૂડમાં એન્ટ્રી કરી હતી. પરંતુ અભિનેતાની આ ફિલ્મ સ્ક્રીન પર જાદુ પાથરી શકી ન હતી અને ખરાબ રીતે ફ્લોપ થઈ ગઈ હતી. જે બાદ ‘ભાવેશ જોશી સુપરહીરો’ રિલીઝ થઈ. પરંતુ અહીં પણ તેનું નસીબ ખરાબ હતું અને આ ફિલ્મ પણ ફ્લોપ રહી હતી.
ત્યારબાદ હર્ષવર્ધન કપૂર ચાર વર્ષ પછી એટલે કે વર્ષ 2022માં ફિલ્મ ‘થાર’ સાથે OTT પ્લેટફોર્મ પર પાછો ફર્યો હતો. આ ફિલ્મમાં અભિનેતા સાથે તેના પિતા અનિલ કપૂર પણ જોવા મળ્યા હતા. પરંતુ અહીં પણ પિતા-પુત્રની જોડી ફેન્સને વધારે પ્રભાવિત કરી શકી નથી. આ પછી હર્ષવર્ધને પોતાની જાતને એક્ટિંગથી દૂર કરી લીધી. જોકે તે સોશિયલ મીડિયા પર ખૂબ જ એક્ટિવ રહે છે. જ્યાં તે અવારનવાર પોતાની તસવીરો ફેન્સ સાથે શેર કરે છે. આ કારણે ઘણી વખત તે ટ્રોલિંગનો શિકાર પણ બની છે.