પીઠનો દુખાવો છે અને સાથે ઘૂંટણમાં પણ સમસ્યા, તો બદલો તમારુ ડાયટ

• પીઠના દુખાવાથી ન ફેરવો નજર
• ઘૂંટણી સમસ્યાનો પણ હવે કરો ઈલાજ
• બસ બદલો તમારું ડાયટ

ભાગદોડ વાળા જીવનમાં મોટા ભાગના લોકોને કોઈકને કોઈક તો સમસ્યા હોય છે જ, કેટલાક લોકો આવી સમસ્યાઓ પર ધ્યાન આપતા હોય છે ત્યારે કેટલાક લોકો આનાથી નજર ફેરવી લેતા હોય છે. અને આગળ જતા વધારે તકલીફ થતી હોય છે, એટલે જો કોઈ વ્યક્તિને પીઠનો દુખાવો છે અને સાથે ઘૂંટણમાં પણ સમસ્યા છે તો તે લોકોએ તરત આના પર ધ્યાન આપવું જોઈએ અને પોતાનું ડાયટ બદલવું જોઈએ.

તંદુરસ્ત આહાર ઘૂંટણ અને પીઠનો દુખાવો અટકાવી શકે છે. તંદુરસ્ત આહાર એ દવા જેવું છે જેનો ઉપયોગ ઘૂંટણ અને પીઠના દુખાવાથી પીડાતા કોઈપણ વ્યક્તિને ઝડપી રાહત આપવા માટે થઈ શકે છે. એક્સ્ટ્રા વર્જિન ઓલિવ તેલમાં ગુણધર્મો છે જે બળતરા ઘટાડી શકે છે. આ સાંધા અને પીઠના દુખાવામાં મદદ કરી શકે છે. ઓલિવ તેલમાં જોવા મળતા ઓલિયોકેન્થલ સોજા વિરોધી દવાઓની સમાન અસર કરી શકે છે.

બ્રોકોલી, કોબીજ અને પાલક જેવા પાંદડાવાળા શાકભાજી દરેક વ્યક્તિના આહાર યોજનાનો ભાગ હોવા જોઈએ. તેમાં વિટામિન એ, સી અને કે હોય છે, જે સોજા દૂર કરવા માટે જાણીતા એન્ટીઓકિસડન્ટ છે. તેમાં સલ્ફોરાફેન નામનું તત્વ હોય છે. તે ઉત્સેચકોને અટકાવે છે જે સાંધાનો દુખાવો અને સોજો પેદા કરે છે.

આ ઉપરાંત બદામ અને ચિયા બીજ આ વસ્તુઓમાં ઓમેગા -3 ફેટી એસિડનો બીજો મહત્વનો સ્ત્રોત બદામ, અખરોટ, ચિયા બીજ અને ફ્લેક્સસીડ જેવા બદામ અને બીજ છે. આ અખરોટનું નિયમિત સેવન સોજા ઘટાડે છે. બદામનું સેવન લાંબા સમય સુધી હાડકાંને મજબૂત બનાવે છે.

જો કે આ ઘરેલું ઉપાય કેટલાક લોકોને માફક ન પણ આવે, તો તે લોકોએ ડોક્ટરની અથવા જાણકારી સલાહ લીધા બાદ આ ઉપાય કરવો જોઈએ. દરેક લોકો પર દરેક વસ્તુની અસર અલગ પ્રકારે થતી હોય છે.