આપણા માટે આપણા હોઠની સંભાળ રાખવી એટલી જ જરૂરી છે. ખાસ કરીને જ્યારે શિયાળાના દિવસો આવે છે ત્યારે હોઠની યોગ્ય કાળજી લેવી વધુ જરૂરી બની જાય છે. મોટાભાગે શિયાળા દરમિયાન, આપણે આપણા હોઠને ફાટવા અને શુષ્ક થવાથી બચાવવા માટે લિપ બામનો ઉપયોગ કરીએ છીએ. લિપ બામનો ઉપયોગ કરવાથી આપણા હોઠ થોડા સમય માટે ખૂબ જ કોમળ અને મોઇશ્ચરાઇઝ્ડ દેખાવા લાગે છે. તેથી જ લિપ બામનો ઉપયોગ આપણી સ્કિનકેર રૂટીનનો એક મહત્વપૂર્ણ ભાગ બની ગયો છે. પરંતુ આ પ્રકારના લિપ બામનો લાંબા સમય સુધી ઉપયોગ કરો છો, તો તમને ફાયદાની જગ્યાએ નુકસાન થઈ શકે છે.
પેટ્રોલિયમ જેલી
ફાટેલા હોઠને યોગ્ય કરવા માટે પેટ્રોલિયમ જેલીનો ઉપયોગ કરવાનું દરેક વ્યક્તિ જાણે છે. તેનો ઉપયોગ ઘણા લિપ બામમાં થાય છે. પેટ્રોલિયમ જેલી ક્યારેય તમારા હોઠને હાઈડ્રેટ કરતી નથી, બલ્કે તે તમારા હોઠ પર એક રક્ષણાત્મક સ્તર બનાવે છે જેના કારણે તમારા હોઠ મોઈશ્ચરાઈઝ્ડ રહે છે. એકવાર તમારા હોઠ પરથી લિપ બામ દૂર થઈ જાય, તમારા હોઠ ફરીથી શુષ્ક થઈ જાય છે અને ફાટવા લાગે છે.
કૃત્રિમ સુગંધ અને સ્વાદ
આપણે બધાને લિપ બામના વિવિધ સ્વાદ અને સુગંધ ગમે છે. ખાસ કરીને જ્યારે સ્ટ્રોબેરીના સ્વાદની વાત આવે છે, ત્યારે આપણે તેને ક્યારેય નાપસંદ કરી શકતા નથી. આ લિપ બામ્સની સુગંધ તમને ગમે તેટલી સારી હોય અથવા તેનો સ્વાદ કેટલો આકર્ષક હોય, જો તમે લાંબા સમય સુધી તેનો ઉપયોગ કરતા રહેશો તો તમારા હોઠ શુષ્ક બની શકે છે. કેટલીકવાર તમને એલર્જી થવાનું જોખમ પણ હોય છે.
કપૂર અથવા મેન્થોલ
ઘણા લોકો એવા છે કે જેઓ હોઠ પર ઠંડક અનુભવે ત્યારે સારું લાગે છે. લિપ બામમાં રહેલા કપૂર અથવા મેન્થોલને કારણે ઠંડકનો આ અહેસાસ થાય છે. લાંબા સમય સુધી તેનો ઉપયોગ કરવાથી તમારા હોઠ સૂકા થવાની સાથે બળતરા થાય છે.
આલ્કોહોલ આધારિત ઘટકો
તમારા લિપ બામને લાંબા સમય સુધી બગડવાથી બચાવવા માટે, કંપનીઓ તેમાં આઇસોપ્રોપીલ આલ્કોહોલ અને ઇથેનોલનો ઉપયોગ કરે છે. આ બંને વસ્તુઓ તમારા હોઠમાંથી કુદરતી તેલ દૂર કરે છે. આ કારણે તમે આ લિપ બામનો જેટલો વધુ ઉપયોગ કરશો તેટલા જ તમારા હોઠ શુષ્ક દેખાવા લાગે છે.