- દેશમાં સરકાર આપી રહી છે રૂ.5000 જીતવાની તક
- બસ આટલુ કરવાનું કામ
- વેક્સિન લીધા બાદ કરો ફોટો પોસ્ટ
અમદાવાદ: દેશમાં હાલ રોજ લાખોની સંખ્યામાં લોકોને કોરોનાવાયરસની વેક્સિન આપવામાં આવી રહી છે. 19 કરોડથી વધારે લોકોને અત્યાર સુધીમાં વેક્સિનનો એક ડોઝ તો આપવામાં આવી ચુક્યો છે. આવા સમયમાં સરકાર દ્વારા વધારે લોકોને વેક્સિન લેવા માટે પ્રેરણા મળે તે માટે નવો પ્રયાસ શરૂ કર્યો છે.
માય ગવર્નમેન્ટ ઈન્ડિયાના ટ્વિટર પર આ ટ્વિટ કરવામાં આવી છે અને તેમાં જણાવવામાં આવ્યું છે કે જો તમે હાલમાં જ વેક્સિન લીધી હોય તો તમે લોકો લાખોને પ્રેરણા આપવા માટે લાયક છે. તેના માટે એક રસપ્રદ ટેગલાઈન સાથે પોતાનો રસી લેતો ફોટો શેર કરો અને રૂ.5000 જીતવાની તક મેળવો.
ટ્વિટર પર આની લીંક પણ આપવામાં આવી છે જ્યાં ફોટો અને ટેગલાઈન શેર કરવાની છે, દર મહિને સૌથી બેસ્ટ 10 ટેગલાઈનને પસંદ કરવામાં આવશે અને તેને 5000 રૂપિયાનું ઈનામ આપવામાં આવશે.
આ માટે માય ગવર્નમેન્ટ પોર્ટલ પર જવુ પડશે, તે બાદ લોગીન ટુ પાર્ટિસિપેટ કરવુ પડશે અને તે બાદ નોંધણી માટે જરૂરી વિગત આપવી પડશે.