દરેક લોકો સફળ થવા માટે અથાગ પ્રયાસ કરતા હોય છે, પણ કેટલીક વાર એવું પણ જોવા મળતું હોય છે કે કેટલાક લોકોને સફળતા મળતી નથી અને હંમેશા સંઘર્ષમાં રહી જતા હોય છે. વાસ્તુશાસ્ત્ર પ્રમાણે આવું કેટલાક કારણોસર થતું હોય છે. જેના પર લોકો ધ્યાન આપતા હોતા નથી.
વધુ જાણકારી અનુસાર એવા લોકો જે સાચુ છોડીને ખોટાને સમર્થન આપે છે અથવા અનૈતિક કામ કરે છે, તેઓ જીવનમાં સફળ નથી થતા. ઘણી વખત આવા લોકો સફળતાની નજીક પહોંચ્યા પછી પણ તેનાથી વંચિત રહે છે. આ સિવાય લોભી લોકોને પણ સફળતા મળતી નથી. સફળતા તેમનાથી દૂર રહે છે.
એવા લોકો જે યોજના બનાવ્યા વિના કામ કરે છે, તેઓ સખત મહેનત અને સારા ઈરાદા સાથે કામ કર્યું હોવા છતાં પણ પાછળ રહી જાય છે. તેથી, લક્ષ્ય મોટું હોય કે નાનું, હંમેશા વ્યૂહરચના બનાવીને જ કામ કરો.