- આવતીકાલે નાતાલની ઉજવણી
- દુનિયાનું સૌથી જૂનું ચર્ચ
- જ્યાં 6 જાન્યુઆરીએ ઉજવાય છે નાતાલ
દર વર્ષે 25 ડિસેમ્બરે નાતાલનો તહેવાર સમગ્ર વિશ્વમાં આનંદ અને ધામધૂમથી ઉજવવામાં આવે છે. જો કે નાતાલનો તહેવાર ખ્રિસ્તી ધર્મના લોકો માટે તહેવાર છે, પરંતુ આજના સમયમાં દરેક જણ તેને ઉજવે છે.કહેવાય છે કે,25 ડિસેમ્બરના રોજ પરમ પિતા પરમેશ્વરના પુત્ર ભગવાન ઇસુનો જન્મ થયો હતો.
નાતાલના દિવસે ચર્ચમાં જવું અને પ્રાર્થના કરવાનું વિશેષ મહત્વ છે. દરેક શહેરમાં ચર્ચ છે અને દરેક ચર્ચની પોતાની માન્યતાઓ પણ છે. આ તહેવાર ખૂબ જ પવિત્ર છે.
પરંતુ શું તમે જાણો છો કે,દુનિયામાં એક એવું ચર્ચ પણ છે.જ્યાં ક્રિસમસ 25 ડિસેમ્બરના બદલે 6 જાન્યુઆરીએ ઉજવવામાં આવે છે.એવું કહેવાય છે કે,ઇસુ ખ્રિસ્તના જન્મ પછી જ ખ્રિસ્તી ધર્મનો ઉદય થયો હતો.તે સમયે અર્મેનિયાઇ એપોસ્ટોલિક ચર્ચનો પણ ઉદભવ થયો.
એવું કહેવાય છે કે,ચોથી સદીમાં રાજા તિરિડેટ્સે ખ્રિસ્તી ધર્મને આર્મેનિયાનો રાજ્ય ધર્મ બનાવ્યો હતો. એટલું જ નહીં, તે રાજાએ ગ્રેગરીને પ્રથમ કેથોલિક બનાવ્યો છે. એવું માનવામાં આવે છે કે,ગ્રેગરી એ જ હતો જેણે ઈસુને પૃથ્વી પર ઉતરતા જોયા હતા.
ગ્રેગરીએ જ રાજા સામે આર્મેનિયામાં એક ચર્ચ બનાવવાનો પ્રસ્તાવ મૂક્યો હતો.આર્મેનિયા વિશ્વનું સૌથી જૂનું ચર્ચ માનવામાં આવે છે.આજના સમયમાં આર્મેનિયા ખ્રિસ્તી શાસિત દેશ બની ગયો.
પરંતુ એવું કહેવાય છે કે,આર્મેનિયન એપોસ્ટોલિક ચર્ચે 25 ડિસેમ્બરને બદલે 6 જાન્યુઆરીએ નાતાલની ઉજવણી કરી હતી. નિષ્ણાતોના જણાવ્યા અનુસાર, એપિફેનીનો તહેવાર 6ઠ્ઠી જાન્યુઆરીએ ઉજવવામાં આવે છે અને આ તહેવારના અવસર પર ક્રિસમસની ઉજવણી કરવામાં આવે છે.