ગરમીનો સમય આવતા સામાન્ય રીતે દરેક કાર માલિક કેબિનમાં તાપમાન વધવાની મુશ્કેલીનો સામનો કરે છે. હકીકતમાં ગરમી દરમિયાન તડકામાં પાર્ક કારની અંદરનું તાપમાન બહારના તાપમાન કરતા વધુ હોઈ શકે છે. આમ પણ ભારતમાં 40થી 45 ડિગ્રી સેલ્સિયસ સુધી તાપમાન રહે છે, જે કારની અંદર તેનાથી વધુ પહોંચી જાય છે. તેવામાં તમારે કેટલીક વસ્તુ કારની અંદર રાખવાથી બચવુ જોઈએ. આવો તમને એવી ત્રણ વસ્તુ જણાવીએ, જે તાપમાન વધવા પર ફાટી શકે છે.
સિગારેટ લાઇટર
સિગારેટ સ્વાસ્થ્ય માટે હાનિકારક હોય છે. તેથી તે સલાહ આપવામાં આવે છે કે સિગારેટ ન પીવી જોઈએ. પરંતુ જો તમારી પાસે કોઈ સિગારેટ લાઇટર છે તો તેને કારની અંદર રાખવાથી બચો. હકીકતમાં જો તમારી કાર તડકામાં પાર્ક છે અને અંદર લાઇટર રાખેલું છે તો તાપમાન વધવાની સ્થિતિમાં લાઇટર આગ પકડી શકે છે. કારણ કે તેમાં ફ્યૂલ હોય છે અને તેના ફાટવાથી કારમાં આગ લાગી શકે છે.
પાવરબેન્ક
ઘણઆ લોકો પોતાની સાથે પાવરબેન્ક રાખે છે. પરંતુ કારમાં સફર કરવા દરમિયાન લગભગ પાવર બેન્ક રાખે છે. કારની અંદર તો તેની જરૂર પડતી નથી. પરંતુ જો તમારી સાથે પાવર બેન્ક હોય તો ધ્યાન રાખો કે તેને કારની અંદર ન રાખો. હકીકતમાં પાવર બેન્કમાં બેટરી હોય છે, જે તાપમાન વધવાથી આગ પકડી શકે છે અને ફાટી શકે છે. પાવર બેન્ક કારમાં આગ લાગવાનું કારણ બની શકે છે.
મોબાઇલ કે લેપટોપ
તડકામાં પાર્ક કારની અંદર મોબાઇલ કે લેપટોપ પણ ન રાખવો જોઈએ, કારણ કે તેની અંદર પણ બેટરી હોય છે. તાપમાન વધુ હોય તો તેમાં આગ લાગવાની સંભાવના રહે છે. આ વસ્તુ ફાટી પણ શકે છે. એટલે કે ઉનાળામાં કારની અંદર મોબાઇલ કે લેપટોપ રાખતા પહેલા ધ્યાન રાખવું જોઈએ.