- ઉનાળામાં ગરમ પાણી પીવાના ફાયદા
- ગરમ પાણી સ્વાસ્થ્ય માટે ફાયદાકારક
- અનેક રોગોને ચપટી ભરમાં કરશે દૂર
ઘણા લોકોને સવારે ઉઠતા સમયે એક ગ્લાસ ગરમ અથવા નવશેકુ પાણી પીવાની ટેવ હોય છે. સામાન્ય રીતે શિયાળામાં ગરમ પાણીનો ઉપયોગ કરવામાં આવે છે. ભાગ્યે જ કોઈ હોય જે ઉનાળામાં ગરમ પાણી પીવાનું પસંદ કરે. પરંતુ,જો તમે ઉનાળામાં સવારે નિયમિતપણે ગરમ અથવા નવશેકુ પાણી પીતા હોવ તો તે તમારા સ્વાસ્થ્ય માટે ખૂબ ફાયદાકારક છે. કોરોના અને ઘણા રોગોથી દૂર રહેવામાં પણ મદદ કરશે. ડોકટરો પણ કોરોના વાયરસ મહામારીને અટકાવવા માટે નવશેકુ પાણી પીવાની સલાહ આપે છે. ગરમ પાણીથી સંક્રમણ લાગવાનું જોખમ ખૂબ ઓછું છે. તો, ચાલો આપણે જાણીએ કે ઉનાળામાં ગરમ પાણી પીવું સ્વાસ્થ્ય માટે કેવી રીતે ફાયદાકારક છે.
કોરોના વાયરસથી રક્ષણ
કોરોના વાયરસ મહામારીના વધતા સંક્રમણ વચ્ચે રોગ નિયંત્રણ અને નિવારણ કેન્દ્ર દ્વારા જારી કરવામાં આવેલી એડવાઇઝરીમાં લોકોને ગરમ પાણી પીવાની સલાહ આપવામાં આવી છે.એવામાં આ મહામારીથી બચવા માટે આપણે ઉનાળાનાં દિવસોમાં પણ સવારે ગરમ પાણી પીવું જોઈએ.
મોસમી બીમારીઓથી બચવા
ઉનાળામાં ગરમ પાણી પીવાથી તમે આ સિઝનમાં થતા ફલૂ,ખાંસી અને શરદી જેવા રોગોથી પોતાને બચાવી શકો છો.તેનાથી તમારી રોગપ્રતિકારક શક્તિને પણ મજબૂત બનાવે છે. હૂંફાળું પાણી શરદી અને ખાંસીમાં ખૂબ ઉપયોગી છે. શરદી અને ખાંસી હોય તેવા લોકોને હંમેશાં ગરમ પાણી પીવાનું ડોકટરો સલાહ આપે છે.
વજન ઘટાડવામાં મદદગાર
જો તમારે વજન ઓછું કરવું હોય તો ઉનાળામાં પણ તમારે દરરોજ સવારે ગરમ પાણી પીવાની આદત બનાવવી જોઈએ. ગરમ પાણી શરીરનું તાપમાન જાળવી રાખે છે અને તમારા મેટાબોલિઝમ રેટમાં વધારો કરે છે. જો તમે ઇચ્છતા હોવ તો તમે દરરોજ ગરમ પાણીમાં એક ગ્લાસ નવશેકુ પાણી અથવા એક ચમચી મધ મેળવી શકો છો. તેના સેવનથી વધતું વજન ઓછું કરી શકાય છે.
દેવાંશી
