ચૈત્ર નવરાત્રીમાં જાણીતા આ મંદિરોમાં માતાજીના દર્શન કરવા ઉમટે છે લાખો શ્રદ્ધાળુઓ
નવી દિલ્હીઃ 9મી એપ્રિલથી ચૈત્ર નવરાત્રીનો પ્રારંભ થઈ રહ્યો છે. ચૈત્ર નવરાત્રિ દરમિયાન દેવી દુર્ગાના નવ સ્વરૂપોની પૂજા કરવાથી અને દેવી માતાના પ્રખ્યાત મંદિરોના દર્શન કરવાથી તમામ મનોકામનાઓ પૂર્ણ થાય છે. આવી સ્થિતિમાં, ચાલો જાણીએ દેવી દુર્ગાના પ્રખ્યાત મંદિરો વિશે.
વૈષ્ણો દેવી મંદિર જમ્મુ રાજ્યથી 61 કિમી ઉત્તરે ત્રિકુટ પર્વત પર આવેલું છે. અહીં ત્રેતાયુગની એક ગુફામાં આદિશક્તિ સ્વરૂપ મહાલક્ષ્મી, મહાકાલી અને મહાસરસ્વતી પિંડીના સ્વરૂપમાં વિરાજમાન છે. આ મંદિરના દર્શન કરવા માટે ભક્તો 14 કિલોમીટર ચડીને ગુફા સુધી પહોંચે છે. ધાર્મિક માન્યતા અનુસાર નવરાત્રીના નવ દિવસો દરમિયાન વૈષ્ણો દેવીના દર્શન કરવાથી તમામ મનોકામનાઓ પૂર્ણ થાય છે.
ચામુંડેશ્વરી મંદિર કર્ણાટક રાજ્યમાં પર્વતની ટોચ પર આવેલું છે. ધાર્મિક માન્યતા અનુસાર ચામુંડેશ્વરી દેવીએ આ પર્વતની ટોચ પર રાક્ષસ મહિષાસુરનો વધ કર્યો હતો. આ સ્થળને મહિષુરુ તરીકે પણ ઓળખવામાં આવે છે. નવરાત્રી દરમિયાન આ મંદિરમાં ભક્તોની ભારે ભીડ હોય છે. નવરાત્રી દરમિયાન આ મંદિરને ખૂબ જ ભવ્ય રીતે શણગારવામાં આવે છે. નવ દિવસ દરમિયાન ચામુંડેશ્વરી દેવીના દર્શન કરવાથી તમામ પરેશાનીઓ દૂર થઈ જાય છે અને તેમના આશીર્વાદ તેમના ભક્તો પર રહે છે.
કાલીઘાટ મંદિર કોલકાતામાં આવેલું છે, આ મંદિર દેવી દુર્ગાના 51 શક્તિપીઠોમાંથી એક છે. ધાર્મિક માન્યતા અનુસાર અહીં માતા સતીના અંગૂઠા પડ્યા હતા. આ મંદિર ખૂબ જ પ્રખ્યાત છે. નવરાત્રીના નવ દિવસ દરમિયાન અહીં હજારો ભક્તોની ભીડ રહે છે. આ મંદિરના દર્શન કરવાથી ભક્તોની તમામ મનોકામનાઓ પૂર્ણ થાય છે અને માતા કાલીના આશીર્વાદથી જીવનની તમામ પરેશાનીઓ દૂર થઈ જાય છે.
કામાખ્યા મંદિર આસામ રાજ્યના ગુવાહાટીમાં નીલાંચલ પર્વત પર આવેલું છે. આ મંદિરને દેવી દુર્ગાના 51 મુખ્ય શક્તિપીઠોમાંથી એક માનવામાં આવે છે. ધાર્મિક માન્યતા અનુસાર આ સ્થાન પર દેવી સતીની યોનિ પડી હતી. જેણે દેવીનું રૂપ ધારણ કર્યું ત્યારથી અહીં માતાની યોનિ કામાખ્યા દેવીના રૂપમાં પૂજાય છે. કારણ કે યોનિમાંથી જ આખી દુનિયાની રચના થઈ છે. આવી સ્થિતિમાં નવરાત્રિમાં અહીંયા દર્શન કરવાથી દેવી માતાની કૃપા પ્રાપ્ત થાય છે અને માતા કામાખ્યાની કૃપાથી તમામ મનોકામનાઓ પૂર્ણ થાય છે.
ગુજરાતમાં આવેલા પાવાગઢ ઉપર બિરાજમાન મહાકાળી માતાજીના દર્શન કરવા માટે ચૈત્ર નવરાત્રિમાં મોટી સંખ્યામાં શ્રદ્ધાળુઓ આવે છે. આ મંદિરમાં માતાજીના દર્શન કરવાથી શ્રદ્ધાળુઓની તમામ મનોકામનાઓ પૂર્ણ થતી હોવાનું મનાય છે.
