સ્વસ્થ રહેવા માટે આપણે સવારે ખાલી પેટ ચા અને કોફીને બદલે પૌષ્ટિક વસ્તુઓ ખાવી જોઈએ. ઘણીવાર એવું કહેવામાં આવે છે કે, દિવસની શરૂઆત પોષણથી ભરપૂર વસ્તુઓથી કરવી જોઈએ. તમે આમાં ગોળ અને ચણા પણ સામેલ કરી શકો છો. ગોળ અને ચણા બંને ખૂબ જ આરોગ્યપ્રદ અને પોષણથી ભરપૂર છે. ગોળમાં કેલ્શિયમ, આયર્ન, મેગ્નેશિયમ, પોટેશિયમ, ફાઈબર અને પ્રોટીન જેવા પોષક તત્વો ભરપૂર માત્રામાં હોય છે.
ચણામાં પ્રોટીન, ફાઇબર, મેંગેનીઝ, વિટામિન બી6, ફોલેટ અને આયર્નની માત્રા વધુ હોય છે. તમે ગોળ અને ચણાને ઘણી રીતે ખાઈ શકો છો. ઘણા લોકો ગોળ અને ચણાને એકસાથે ભેળવીને ખાય છે, જ્યારે કેટલાક તેને અલગ-અલગ ખાય છે. આને સાથે ખાવાથી માંસપેશીઓ અને હાડકાં મજબૂત થાય છે. સવારે ખાલી પેટ બંને ખાવાથી રોગપ્રતિકારક શક્તિ મજબૂત બને છે.
• ખાલી પેટે ગોળ અને ચણા ખાવાથી ફાયદા
રોગપ્રતિકારક શક્તિને મજબૂત બનાવે છેઃ રોજ ખાલી પેટે ગોળ અને ચણા ખાવાથી રોગપ્રતિકારક શક્તિ વધુ મજબૂત બને છે. તેમાં એન્ટીઓક્સીડેન્ટ, ઝિંક, સેલેનિયમ જેવા મિનરલ્સ ભરપૂર માત્રામાં હોય છે. આ તમામ ખનિજો શરીરને મુક્ત રેડિકલથી બચાવવામાં અને રોગપ્રતિકારક શક્તિને મજબૂત કરવામાં ઘણી મદદ કરે છે. દરરોજ સવારે ખાલી પેટે ગોળ અને ચણા ખાવાના અદ્ભુત ફાયદા છે. તેનાથી રોગપ્રતિકારક શક્તિ પણ મજબૂત થાય છે.